ന്യൂദല്‍ഹി: പശ്ചിമ ബംഗാള്‍ ഡിജിപിയെയും ആറ് സംസ്ഥാനങ്ങളിലെ ആഭ്യന്തര സെക്രട്ടറിമാരെയും തിരഞ്ഞെടുപ്പ് കമ്മിഷന്‍ നീക്കി . തിരഞ്ഞെടുപ്പ് സ്വതന്ത്രവും സുതാര്യവുമായി നടത്താനുളള ഉദ്യമത്തിന്റെ ഭാഗമായാണിത്.
പശ്ചിമ ബംഗാള്‍ ഡിജിപി, ഗുജറാത്ത്, ഉത്തര്‍പ്രദേശ്, ബിഹാര്‍, ജാര്‍ഖണ്ഡ്, ഹിമാചല്‍ പ്രദേശ്, ഉത്തരാഖണ്ഡ് എന്നീ ആറ് സംസ്ഥാനങ്ങളിലെ ആഭ്യന്തര സെക്രട്ടറിമാര്‍ എന്നിവരെ നീക്കം ചെയ്യാനാണ് ഇന്ത്യന്‍ തിരഞ്ഞെടുപ്പ് കമ്മീഷന്‍ ഉത്തരവിട്ടിരിക്കുന്നത്. ഇതിന് പുറമെ മിസോറാമിലെയും ഹിമാചല്‍ പ്രദേശിലെയും ജനറല്‍ അഡ്മിനിസ്ട്രേറ്റീവ് ഡിപ്പാര്‍ട്ട്മെന്റ് സെക്രട്ടറിമാരെയും നീക്കി.
തെരഞ്ഞെടുപ്പുമായി ബന്ധപ്പെട്ട ജോലികളില്‍ മൂന്ന് വര്‍ഷം പൂര്‍ത്തിയാക്കിയവരെ നീക്കും. സ്വന്തം ജില്ലയില്‍ ഉള്ള ഉദ്യോഗസ്ഥരെ സ്ഥലം മാറ്റാനും കമ്മീഷന്‍ എല്ലാ സംസ്ഥാന സര്‍ക്കാരുകള്‍ക്കും നിര്‍ദ്ദേശം നല്‍കി.
പ്രതികരിക്കാൻ ഇവിടെ എഴുതുക: