ഓള്‍ ഇംഗ്ലണ്ട് ഓപ്പണ്‍ ചാമ്പ്യന്‍ഷിപ്പ്: ലക്ഷ്യ സെന്‍ ക്വാട്ടര്‍ മത്സരത്തിന്

ബര്‍മിംഗ്ഹാം: ബര്‍മിംഗ്ഹാമില്‍ നടക്കുന്ന ഓള്‍ ഇംഗ്ലണ്ട് ഓപ്പണ്‍ ചാമ്പ്യന്‍ഷിപ്പിന്റെ പുരുഷ സിംഗിള്‍സ് ക്വാര്‍ട്ടര്‍ ഫൈനലില്‍ ഇന്ത്യയുടെ ലക്ഷ്യ സെന്‍ ഇന്ന് രാത്രി കളത്തിലിറങ്ങും. മലേഷ്യയുടെ ലീ സി ജിയയെയാണ് നേരിടുന്നത്

ഇന്നലെ രാത്രി നടന്ന മത്സരത്തില്‍ ഡെന്‍മാര്‍ക്കിന്റെ ആന്‍ഡേഴ്സ് ആന്റണ്‍സണെ പരാജയപ്പെടുത്തിയാണ് ലക്ഷ്യ സെന്‍ ക്വാര്‍ട്ടറില്‍ പ്രവേശിച്ചത്. കടുത്ത പോരാട്ടത്തലായിരുന്നു ലക്ഷ്യയുടെ വിജയം.

24-22, 11-21, 21-14 എന്ന സ്‌കോറിനാണ് ലക്ഷ്യ വിജയിച്ചത്.രണ്ടാം ഗെയിം പരാജയപ്പെട്ടതോടെ ലക്ഷ്യ സമ്മര്‍ദ്ദത്തിലായി. അവസാന ഗെയിമില്‍ 2-8ന് പിന്നിട്ട നിന്ന ശേഷമാണ് ലക്ഷ്യ മത്സരം വിജയിച്ചത്.

2022 എഡിഷനില്‍ റണ്ണറപ്പായിരുന്നു ലക്ഷ്യ സെന്‍.