ആലുവ: കാണാതായ മകള് ഒരു തവണ പരിചയമില്ലാത്ത നമ്പറില് നിന്ന് ഫോണ് ചെയ്തിരുന്നുവെന്ന് അമ്മ. അസം സ്വദേശിനി സല്മ ബീഗത്തെ തിങ്കളാഴ്ച മുതലാണ് കാണാതായത്.
അതിഥി തൊഴിലാളിയുടെ മകളായ ഒമ്പതാം ക്ലാസ് വിദ്യാര്ത്ഥിനിയെയാണ് കാണാതായത്. തിങ്കളാഴ്ച രാവിലെ വീട്ടില് നിന്നിറങ്ങിയ സല്മ ബസില് കയറി പോവുകയായിരുന്നു.എവിടേക്കാണെന്ന് ചോദിച്ചെങ്കിലും ഒന്നും പറഞ്ഞില്ലെന്ന് അമ്മ പറയുന്നു.
അന്ന് തിരിച്ചു വരാതായതോടെ ചൊവ്വാഴ്ച അമ്മ പൊലീസില് പരാതി നല്കി. മകള് വിളിച്ച നമ്പര് അമ്മ പൊലീസിന് കൈമാറി.
ആലുവ ഈസ്റ്റ് പൊലീസാണ് കേസന്വേഷിക്കുന്നത്. സല്മയുടെ സുഹൃത്തുക്കളെയും ചോദ്യം ചെയ്യുന്നുണ്ട്. മുട്ടം തൈക്കാവിന് സമീപം ഏറെക്കാലമായി വാടകയ്ക്ക് താമസിക്കുകയാണ് സല്മയുടെ കുടുംബം.
