മുംബയ് : രവിചന്ദ്രന് അശ്വിന് വീണ്ടും ഐസിസി ടെസ്റ്റ് റാങ്കിംഗില് ഒന്നാമത്. തന്റെ നൂറാം ടെസ്റ്റില് ഒമ്പത് വിക്കറ്റുകള് വീഴ്ത്തിയതിന് പിന്നാലെയാണ് നേട്ടം. ബാറ്റിംഗ് റാങ്കിംഗില് ഇന്ത്യന് നായകന് രോഹിത് ശര്മ്മ ആദ്യ പത്തിനുളളില് തിരിച്ചെത്തി.
870 റേറ്റിംഗ് പോയിന്റുമായാണ് അശ്വിന് ബൗളിംഗ് റാങ്കിംഗില് ഒന്നാമതെത്തിയത്. ധര്മ്മശാല ടെസ്റ്റില് ആദ്യ ഇന്നിംഗ്സില് നാല് വിക്കറ്റും രണ്ടാം ഇന്നിംഗ്സില് അഞ്ച് വിക്കറ്റുമാണ് അശ്വിന് വീഴ്ത്തിയത്.
ഒന്നാം സ്ഥാനത്തായിരുന്ന ജസ്പ്രീത് ബുംറ 847 റേറ്റിംഗ് പോയിന്റുമായി ഓസ്ട്രേലിയന് പേസര് ജോഷ് ഹേസല്വുഡിനൊപ്പം രണ്ടാം സ്ഥാനത്താണ് ഇപ്പോള്. കുല്ദീപ് യാദവ് 15 സ്ഥാനങ്ങള് മെച്ചപ്പെടുത്തി 16-ാം സ്ഥാനത്താണിപ്പോള്. രവീന്ദ്ര ജഡേജ ഏഴാം സ്ഥാനത്ത് തുടരുകയാണ്.
ബാറ്റിംഗ് റാങ്കിംഗില് ഇന്ത്യന് നായകന് രോഹിത് ശര്മ്മ 751 റേറ്റിംഗ് പോയിന്റുമായി അഞ്ച് സ്ഥാനങ്ങള് മെച്ചപ്പെടുത്തി ആറാം സ്ഥാനത്തെത്തി. യശസ്വി ജയ്സ്വാള് രണ്ട് സ്ഥാനങ്ങള് മെച്ചപ്പെടുത്തി എട്ടാം സ്ഥാനത്താണ്. വിരാട് കോഹ്ലി 737 റേറ്റിംഗ് പോയിന്റുമായി ഒന്പതാം സ്ഥാനത്തുണ്ട്. ശുഭ്മാന് ഗില് 11 സ്ഥാനങ്ങള് ഉയര്ന്ന് 20-ാം സ്ഥാനത്തത്താണ്.
