ബംഗാള് ഗവര്ണര് എക്സലന്സ് പുരസ്കാരം ലഭിച്ചതില് ബംഗാള് ഗവര്ണര് സി. വി ആനന്ദബോസിന് നന്ദി അറിയിച്ച് ഉണ്ണി മുകുന്ദന്. ഫെയ്സബുക്കിലൂടെയാണ് ഉണ്ണി മുകുന്ദന് നന്ദി അറിയിച്ചത്.
നിങ്ങളുടെ നല്ല വാക്കുകള്ക്കും ബഹുമതിയ്ക്കും നന്ദി. ഇന്ന് താങ്കള് സംസാരിക്കുന്നത് കേട്ട് ജീവിതത്തോടുള്ള നിങ്ങളുടെ പോസിറ്റീവ് മനോഭാവത്തിന്റെ ആരാധകനായി ഞാന് മാറിയിരിക്കുകയാണ്. കാരണം, രാജ്യത്തോടുള്ള താങ്കളുടെ അ?ഗാധമായ സ്നേഹം യഥാര്ത്ഥ നേതാവിനെ ഞങ്ങള്ക്ക് കാണിച്ചു തരുന്നു. ബംഗാള് സന്ദര്ശിക്കാന് ആഗ്രഹിക്കുന്നു. ഉടനെ അത് നടത്തുമെന്നും ഉണ്ണി മുകുന്ദന് ഫെയ്സ് ബുക്കില് കുറിച്ചു.
ഞായറാഴ്ച കൊച്ചിയില് നടന്ന പരിപാടിയിലായിരുന്നു നടന് ഉണ്ണി മുകുന്ദനും സംവിധായകന് വിഷ്ണു മോഹനും പശ്ചിമ ബംഗാള് ഗവര്ണറുടെ എക്സലന്സ് പുരസ്കാരം സമ്മാനിച്ചത്. എളമക്കര ഭാസ്കരീയം കണ്വന്ഷന് സെന്ററില് വിശ്വ സംവാദ കേന്ദ്ര സംഘടിപ്പിച്ച സോഷ്യല് മീഡിയ സംഗമമായ ലക്ഷ്യ 2024 ന്റെ ഉദ്ഘാടന ചടങ്ങിലാണ് അവാര്ഡ് സമ്മാനിച്ചത്.
