ബോളിവുഡ് താരം സൽമാൻ ഖാനുമായി അടുപ്പമുള്ളവർക്കെല്ലാം, അദ്ദേഹത്തെക്കുറിച്ച് പങ്കുവെക്കാൻ രസകരമായ ഒരു കഥയുണ്ടാകും. നടൻ വിന്ദു ദാരാ സിങും വ്യത്യസ്തനല്ല. കോളേജ് കാലം മുതൽ സൽമാന്റെ ദീർഘകാല സുഹൃത്തായ വിന്ദു, അടുത്തിടെ ഭക്ഷണത്തിന്റെയും വ്യായാമത്തിന്റെയും കാര്യത്തിൽ സൽമാൻ വിട്ടുവീഴ്ചയില്ലാത്ത ആളാണെന്ന് വെളിപ്പെടുത്തി.
“എന്റെ ശരീരഘടന കണ്ടതിന് ശേഷമാണ് സൽമാൻ കൂടുതൽ വ്യായാമം ചെയ്യാൻ തുടങ്ങിയതെന്നാണ് സൽമാൻ പറയാറുള്ളത്. പക്ഷെ ശരീരം വർധിപ്പിച്ചായിരുന്നു എന്റെ പ്രതികരണം. അതുപോലെ തന്നെയായിരുന്നു സൽമാൻ ഭക്ഷണത്തെയും സമീപിച്ചിരുന്നത്. അദ്ദേഹം പന്നിയെപ്പോലെ ഭക്ഷണം കഴിക്കും, നായയെപ്പോലെ വ്യായാമം ചെയ്യും,” സിദ്ധാർത്ഥ് കണ്ണനുമായുള്ള സംഭാഷണത്തിനിടെ വിന്ദു പറഞ്ഞു.
“അദ്ദേഹം കഴിക്കുന്ന ഭക്ഷണത്തിന്റെ അളവ് കണ്ടാൽ, ‘ഭായ്, ആ ഭക്ഷണമെല്ലാം എവിടെ പോയി?’ എന്ന ചോദിച്ചുപോകും. അതെല്ലാം ‘ബേൺ’ ചെയ്ത് കളയുമെന്നാണ് സ്ഥിരമായി സൽമാൻ മറുപടി പറയുന്നത്. സത്യത്തിൽ, വൈകിട്ടുള്ള വർക്കൗട്ടുകളിൽ, അദ്ദേഹം അതു തന്നെയാണ് ചെയ്യുന്നത്. സൽമാൻ ഒരു അതിശയകരമായ വ്യക്തിയാണ്, ഞാൻ അവനെ ഒത്തിരി ഇഷ്ടപ്പെടുന്നു, അദ്ദോഹം ഒരു പരോപകാരിയും, അത്ഭുതകരവുമായ വ്യക്തിയാണ്.
എത്ര പാവപ്പെട്ടവരെ ഈ പണം കൊണ്ട് സൽമാൻ സഹായിച്ചിട്ടുണ്ടെന്ന് തനിക്ക് ഊഹിക്കാൻ പോലും കഴിയില്ല. ബീയിംഗ് ഹ്യൂമൻ ഓർഗനൈസേഷനൊക്കെ വളരെ വൈകിയാണ് വന്നത്. പക്ഷേ അദ്ദേഹം എപ്പോഴും ഇതുപോലെയാണ്, എല്ലാവരെയും സഹായിക്കും, വിന്ദു കൂട്ടിച്ചേർത്തു.
