തൃശൂര്‍: കഴിഞ്ഞ ദിവസം വനത്തില്‍ മരിച്ചനിലയില്‍ കണ്ടെത്തിയ വനവാസി വിഭാഗത്തിലുളള
രണ്ട് കുട്ടികളുടെ പോസ്റ്റുമോര്‍ട്ടം റിപ്പോര്‍ട്ടിലെ വിവരങ്ങള്‍ പുറത്ത് വന്നു. തേനെടുക്കാന്‍ കയറിയപ്പോള്‍ മരത്തില്‍ നിന്നുവീണ് മരിച്ചു എന്നാണ് കരുതുന്നത്.
തേന്‍ ശേഖരിക്കുന്ന സ്ഥലത്തെ മരത്തിന്റെ താഴെനിന്നാണ് മൃതദേഹങ്ങള്‍ ലഭിച്ചത്. മൃഗങ്ങളോ മറ്റോ ആക്രമിച്ച പാടുകള്‍ ശരീരത്തില്‍ ഇല്ല.
സജിക്കുട്ടന്റെ (16) മൃതദേഹത്തിന് മൂന്നു ദിവസത്തെ പഴക്കമുണ്ട്.അരുണ്‍ കുമാറിന്റെ(8) മൃതദേഹത്തിന് അഞ്ചു ദിവസത്തെയും പഴക്കമുണ്ട്. രണ്ട് പേരും ഒരേ ദിവസമല്ല മരിച്ചതല്ലെന്നാണ് വ്യക്തമാകുന്നത്.
അപകടം നടന്ന ഉടന്‍ അരുണ്‍കുമാര്‍ മരിച്ചതായും പരിക്കേറ്റ സജിക്കുട്ടന്‍ പിന്നീട് മരിച്ചതാകാമെന്നുമാണ് കരുതുന്നത്. മൃതദേഹങ്ങള്‍ പോസ്റ്റുമോര്‍ട്ടം നടപടികള്‍ക്കുശേഷം ഊരിലെത്തിച്ച് സംസ്‌കരിച്ചു.
കഴിഞ്ഞ ശനിയാഴ്ചയാണ് ഇരുവരെയും കാണാതായത്. തുടര്‍ന്ന് ബന്ധുക്കള്‍ പൊലീസില്‍ പരാതിപ്പെട്ടു. അന്വേക്ഷണത്തിനിടെ മൃതദേഹം കണ്ടെത്തുകയായിരുന്നു.
പ്രതികരിക്കാൻ ഇവിടെ എഴുതുക: