തിരവനന്തപുരം: മയക്കുമരുന്നിന് അടിമകളായ എറണാകുളത്തെ ചെറുസംഘമാണ് മലയാള സിനിമയുടെ കേന്ദ്രബിന്ദുവെന്ന് തമിഴ് എഴുത്തുകാരനും തിരക്കഥാകൃത്തുമായ ജയമോഹന്.മലയാളത്തിലെ മുന്നിര താരങ്ങള് പോലും മയക്കുമരുന്ന് കേസില് കുടുങ്ങുന്നത് പലപ്പോഴും വാര്ത്തകളില് നിറയാറുണ്ട്. ഇവരാണ് മലയാള സമൂഹത്തെ ലഹരിക്ക് അടിമകളാക്കുന്നത്. പത്ത് വര്ഷം മുമ്പ് കിളി പോയി, ഒഴിവുനേരത്തെ കളി, വെടിക്കെട്ട്, ജെല്ലിക്കെട്ട് തുടങ്ങിയ ചെറുസിനിമകള് കേരളത്തില് ഇറങ്ങി ലഹരിയും മയക്കുമരുന്നും വേശ്യാവൃത്തിയും സാമാന്യവല്കരിച്ചിരുന്നു. കേരളത്തിന്റെ ക്ഷേമത്തിനായി പ്രവര്ത്തിക്കുന്ന ഒരു സര്ക്കാരുണ്ടെങ്കില് ഈ സിനിമാക്കാര്ക്കെതിരെ നേരിട്ട് നടപടിയെടുക്കണം. ജയമോഹന് ബ്ലോഗില് കുറിച്ചു.
ലഹരി ആസക്തിയെ സാമാന്യവല്ക്കരിക്കുന്നവരാണ് മലയാളികള്. കേരളത്തിലെ ബീച്ചുകളിലേക്ക് ഏഴ് മണിക്ക് ശേഷം പോകരുതെന്ന് സ്ത്രീകളോട് മാത്രമല്ല, സാധാരണ മനുഷ്യരോടും പൊലീസ് പറയാറുണ്ട്. വാണിജ്യ സിനിമ ഒരു കലയല്ല. പരിശീലനമോ കലാപരമായ അറിവോ ഇല്ലാത്ത വലിയ ജനക്കൂട്ടത്തോട് ഇത് നേരിട്ട് സംസാരിക്കുന്നു. അതിന് ഒരിക്കലും കലാസ്വാതന്ത്ര്യം നല്കരുത്. ആ ദാരിദ്ര്യം ബൗദ്ധികമായ ഒരു ചെറുത്തുനില്പ്പും നടത്താന് കഴിയാത്ത സാധാരണക്കാരായ ജനസമൂഹത്തെ അധഃപതിപ്പിക്കും. മദ്യപിച്ചും കലഹിച്ചും കലാപമുണ്ടാക്കിയും ഛര്ദ്ദിച്ചും സാധാരണക്കാരനെ അസ്ഥിരപ്പെടുത്തിയും കേരള സിനിമ എന്നും സന്തോഷത്തോടെയാണ് കാണിക്കുന്നത്. മദ്യപിക്കാതെ സന്തോഷത്തോടെ സംസാരിക്കുന്ന നാലുപേരെ മലയാള സിനിമയില് കണ്ടിട്ടുണ്ടോ? സിനിമയിലൂടെ ഇതിനെല്ലാം സാമൂഹിക സ്വീകാര്യത പതിയെ സൃഷ്ടിക്കപ്പെടുകയാണ്.
മലയാളികളായ മദ്യപാനികള് പൊതുനിരത്തില് മോശമായി പെരുമാറുന്നത്. അവരുടെ വാഹനങ്ങളുടെ ഇരുവശങ്ങളിലും ഛര്ദ്ദില് ആയിരിക്കും. കുടിച്ച ശേഷം കുപ്പി വലിച്ചെറിഞ്ഞ് പൊട്ടിക്കും. വിനോദസഞ്ചാര കേന്ദ്രങ്ങളിലേക്കെത്തുന്ന കേരളത്തിലെ വിനോദ സഞ്ചാരികള് ഇതേ മനസ്ഥിതിയാണ് പങ്കിടുന്നത്. വിനോദസഞ്ചാര കേന്ദ്രങ്ങളില് മാത്രമല്ല, കാടുകളിലും അവര് എത്താറുണ്ട്. മദ്യപിക്കാനും ഛര്ദ്ദിക്കാനും കടന്നുകയറാനും വീഴാനും ഒക്കെ മാത്രം വേണ്ടിയാണ് അത്.
കേരളത്തില് ഏത് കല്യാണത്തിനും മദ്യപസംഘങ്ങള് ബഹളമുണ്ടാക്കുന്നു. പന്തലില് തന്നെ ഛര്ദ്ദിക്കുന്നവരും കുറവല്ല. വിവാഹ ചടങ്ങില് വരന് തന്നെ ഛര്ദ്ദിക്കുന്നത് കണ്ടിട്ടുണ്ട്.
രണ്ട് തരം മലയാളികളാണ് ഉള്ളത്. ഒന്ന് വിദേശത്ത് ചോര വിയര്പ്പാക്കുന്നവര്. രണ്ട് നാട്ടില് അവരെ വിറ്റ് ജീവിക്കുന്ന മദ്യപാനികള്.
തമിഴ്നാട്ടില് മയക്കുമരുന്നിന് അടിമപ്പെട്ട സിനിമകള് ആഘോഷിക്കുന്നവരെ ഞാന് തെമ്മാടികളോ നീചന്മാരോ ആയി കണക്കാക്കും.തമിഴ്നാടും ഇപ്പോള് കേരളത്തിന്റെ പാതയിലേക്ക് സഞ്ചരിക്കുകയാണെന്ന് തോന്നുന്നു.
തമിഴ്നാട്ടിലെ കന്യാകുമാരി ജില്ലയില് ജനിച്ച ജയമോഹന് മലയാളത്തിലും നിരവധി പുസ്തകങ്ങള് രചിച്ചിട്ടുണ്ട്. ഒഴിമുറി, കാഞ്ചി, വണ് ബൈ റ്റു എന്നീ മലയാള സിനിമയുടെ തിരക്കഥയെും ഒരുക്കി. ‘മഞ്ഞുമ്മല് ബോയ്സ്’ എന്ന സിനിമയെ വിമര്ശിച്ചെഴുതിയ ബ്ളോഗിലാണ് മലയാളികളെ തുറന്നു കാട്ടുന്നത്്
