ഇറ്റാനഗര്‍; ഫൈനലില്‍ ഗോവയെ ഏകപക്ഷീയമായ ഒരു ഗോളിന് തോല്‍പിച്ച് സന്തോഷ് ട്രോഫി കിരീടം സര്‍വീസസ് നേടി. സര്‍വീസസിന്റെ ഏഴാം സന്തോഷ് ട്രോഫി കിരീടമാണിത്. 67ാം മിനിറ്റില്‍ പി പി ഷഫീലാണ് സര്‍വീസസിനായി വലകുലുക്കിയത്. രാഹുല്‍ രാമകൃഷ്ണന്റെ പാസില്‍ ഗോവന്‍ ബോക്‌സിന് 22 വാര അകലെ നിന്നുള്ള ഷഫീലിന്റെ ഷോട്ട് ഗോവന്‍ ഗോളി അന്റോണിയോ ഡിലന്‍ഡ്‌യ്‌ക്ക് തടയാനായില്ല
ആറാം കിരീടം ലക്ഷ്യമിട്ട് കലാശപ്പോരിനിറങ്ങിയ ഗോവ മികച്ച പോരാട്ടം പുറത്തെടുത്തത്. 4-4-2 ഫോര്‍മേഷനില്‍ ഇറങ്ങിയ ഗോവ മുന്നേറ്റങ്ങള്‍ ശക്തമാക്കിയതോടെ സര്‍വീസസ് പ്രതിരോധത്തിലേക്ക് വലിഞ്ഞു. 15ാം മിനിറ്റില്‍ മികച്ചൊരു അവസരം കിട്ടിയെങ്കിലും ഗോവയ്‌ക്ക് ലീഡെടുക്കാനായില്ല. 43ാം മിനിറ്റില്‍ ഫഹീസിന്റെ ക്രോസില്‍ നിന്നുള്ള നെസിയോ മരിസ്‌റ്റോ ഫെര്‍ണാണ്ടസിന്റെ ഷോട്ട് അബ്ദുള്‍ ഖാദിര്‍ പിടിച്ചു. ആദ്യ പകുതിയില്‍ നിരവധി ഗോള്‍ അവസരങ്ങല്‍ ഗോവയ്‌ക്ക് കിട്ടി. ലക്ഷ്യത്തിലെത്തിക്കാനാകാതെ വന്നതോടെ ആദ്യ പകുതി ഗോള്‍ രഹിത സമനിലയില്‍
രണ്ടാം പകുതിയിലും ഗോവന്‍ ആധിപത്യമാണ് കളത്തില്‍ കണ്ടത്. ഗോള്‍ കണ്ടെത്താനായി മുന്നേറ്റങ്ങള്‍ തുടര്‍ന്നുകൊണ്ടേയിരുന്ന ഗോവയെ ഞെട്ടിച്ച് സര്‍വീസസ് ഗോളടിച്ചു.രാഹുല്‍ രാമകൃഷ്ണന്റെ പാസില്‍ പി പി ഷഫീലാണ് വലകുലുക്കിയത്.
ഗോള്‍ വഴങ്ങിയതിന് പിന്നാലെ ഗോവ ആക്രമണങ്ങള്‍ കടുപ്പിച്ചു.നിരവധി ഷോട്ടുകളുമുതിര്‍ത്തെങ്കിലും സര്‍വീസസ് പ്രതിരോധം മറികടക്കാനായിില്ല.സര്‍വീസസ് ഏഴാം സന്തോഷ് ട്രോഫി കിരീടത്തില്‍ മുത്തമിട്ടു.
Sunday, November 17, 2024
സന്തോഷ് ട്രോഫി : സര്‍വീസസ് ജേതാക്കള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: