കാലിഫോര്ണിയ: ഇന്ത്യന് വെല്സ് ടെന്നിസ് ടുര്ണമെന്റില് നിന്നുള്ള സൂപ്പര് താരം റാഫേല് നദാലിന്റെ പിന്മാറ്റം തുണച്ചത് ഭാരത താരം സുമിത് നാഗലിന്.
നദാല് ടൂര്ണമെന്റില് നിന്നും പിന്മാറുന്നതായി അറിയിച്ച് അധികം വൈകാതെ തന്നെ സുമിത്തിനെ ഉള്പ്പെടുത്തി മത്സരപട്ടിക പുനക്രമീകരിച്ചു.
ആദ്യ റൗണ്ടില് നദാലിന്റെ എതിരാളിയായി മത്സരിക്കാനിരുന്ന കനേഡിയന് താരം മിലോസ് റാവോനിച് ആയിരിക്കും സുമിത്തിന്റെ എതിരാളി. നിലവില് എടിപി റാങ്കിങ്ങില് 101-ാമതാണ് സുമിത്തിന്റെ സ്ഥാനം. ഇത് പരിഗണിച്ചാണ് ഒഴിവു വന്നപ്പോള് ടൂര്ണമെന്റില് ഉള്ക്കൊള്ളിച്ചത്.
കഴിഞ്ഞ ദിവസം നടന്ന യോഗ്യതാ മത്സരത്തില് സുമിത്ത് നാഗല് ദക്ഷിണ കൊറിയയുടെ ഹോങ് സിയോങ്-ചാനുമായി മത്സരിച്ച് പരാജയപ്പെട്ടിരുന്നു. യോഗ്യതാ റൗണ്ടിലെ ആദ്യ മത്സരത്തില് അമേരിക്കന് താരം സ്റ്റെഫാന് ഡോസ്റ്റാനിക്കിനെ നേരിട്ടുള്ള സെറ്റുകള്ക്ക് തകര്ത്ത് മുന്നേറിയതിന് ശേഷമാണ് കൊറിയന് താരത്തോട് നാഗല് പരാജയപ്പെട്ടത്.
