പത്തനംതിട്ട: പന്തളം അച്ചൻകോവിലാറ്റിൽ കുളിക്കാനിറങ്ങിയ യുവാവ് മുങ്ങിമരിച്ചു. പന്തളം മുടിയൂർക്കോണം സ്വദേശി വിനോദ് ആണ് മരിച്ചത്. കെഎസ്ആർടിസി ആലപ്പുഴ ഡിപ്പോയിലെ എം പാനൽ കണ്ടക്ടറാണ് ഇദ്ദേഹം.
പന്തളം മഹാദേവക്ഷേത്രത്തിന് പടിഞ്ഞാറ് ഭാഗത്തുള്ള കടവിൽ ഇന്നലെ വൈകിട്ട് ഏഴ് മണിയോടെയായിരുന്നു സംഭവം. സുഹൃത്തിനൊപ്പം കുളിക്കാനിറങ്ങിയ വിനോദ് നീന്തുന്നതിനിടെ ഒഴുക്കിൽപ്പെട്ട് മുങ്ങിത്താഴുകയായിരുന്നു. ഒപ്പമുണ്ടായിരുന്ന മുടിയൂർക്കോണം കുരുക്കശ്ശേരിയിൽ സജിത്ത് നീന്തി രക്ഷപ്പെട്ടു.
അടൂരിൽ നിന്നെത്തിയ അഗ്നിരക്ഷാ സേനയും പത്തനംതിട്ടയിൽ നിന്നെത്തിയ മുങ്ങൽവിദഗ്ധരും ചേർന്നാണ് രാത്രി പത്ത് മണിയോടെ മൃതദേഹം കണ്ടെടുത്തത്.
പ്രതികരിക്കാൻ ഇവിടെ എഴുതുക: