ബംഗളൂരു കഫേയിലെ ബോംബ് സ്ഫോടനം ; ജാഗ്രത പാലിക്കാൻ നിർദ്ദേശിച്ച് ദൽഹി പോലീസ് 

ന്യൂദൽഹി: ബംഗളൂരുവിലെ പ്രശസ്തമായ കഫേയിലുണ്ടായ സ്‌ഫോടനത്തിൽ 10 പേർക്ക് പരിക്കേറ്റതിനെ തുടർന്ന് ദൽഹി പോലീസ് സുരക്ഷ ശക്തമാക്കിയതായി  ഉദ്യോഗസ്ഥർ അറിയിച്ചു.

തിരക്കേറിയ സ്ഥലങ്ങളിൽ, പ്രത്യേകിച്ച് ദൽഹിയിലെ മാർക്കറ്റുകളിൽ ജാഗ്രത വർദ്ധിപ്പിക്കാൻ ജില്ലാ പോലീസ് മേധാവികൾക്ക് നിർദ്ദേശം നൽകിയിട്ടുണ്ടെന്ന് ഉദ്യോഗസ്ഥർ പറഞ്ഞു. സംശയാസ്പദമായ എന്തെങ്കിലും പ്രവർത്തനം കണ്ടെത്തിയാൽ മാർക്കറ്റ് അസോസിയേഷനുകളോട് ജാഗ്രത പാലിക്കാൻ നിർദ്ദേശിച്ചു.

ഇതിനു പുറമെ വിവരങ്ങൾ അറിയിക്കാൻ അവരുടെ പ്രാദേശിക പോലീസ് സ്റ്റേഷനുകളെ സമീപിക്കാനും ആവശ്യപ്പെട്ടിട്ടുണ്ടെന്ന് ഒരു മുതിർന്ന പോലീസ് ഉദ്യോഗസ്ഥൻ പറഞ്ഞു.