പിറവം: രാമമംഗലത്ത് പുരാതന മനയ്ക്ക് തീപിടിച്ചു. രാമമംഗലം മംഗലസ് മനയ്‌ക്കലാണ് തീപിടിത്തമുണ്ടായത്. ഇല്ലത്തിന്റെ നാല് കെട്ട് പൂര്‍ണ്ണമായി കത്തി നശിച്ചു. രാത്രി എട്ട് മണിയോടെയാണ് സംഭവം.
കഴിഞ്ഞ ഏതാനും വര്‍ഷങ്ങളായി ഇവിടെ സ്ഥിരമായി ആരും താമസിക്കുന്നില്ല. ആള്‍ താമസമില്ലാതിരുന്ന വീട്ടില്‍ തീപടര്‍ന്നതെങ്ങിനെയാണെന്ന് കണ്ടെത്തിയിട്ടില്ല. ദീര്‍കാലം
രാമമംഗലം ഗ്രാമ പഞ്ചായത്ത് പ്രസിഡന്റായിരുന്ന അന്തരിച്ച എം.പി. രാമന്‍ നമ്പൂതിരിയുടെ തറവാട്ട് വീടാണ് കത്തിനശിച്ചത്. മനയില്‍ നിന്ന് തീ ഉയരുന്നത് കണ്ട അയല്‍ക്കാരാ
ണ് വിവരം അഗ്നിരക്ഷ സേനയെ അറിയിച്ചത്.
പിറവത്ത് നിന്നും മുവാറ്റുപുഴയില്‍ നിന്നും എത്തിയ അഗ്നിരക്ഷാ സേന നാട്ടുകാരുടെ സഹായത്തോടെ രണ്ട് മണിക്കൂറോളം പണിപ്പെട്ടാണ് തീയണച്ചത്. രാത്രിയായതിനാല്‍ നാശനഷ്ടങ്ങള്‍ കണക്കാക്കാനായിട്ടില്ല. മന ഏതാനും വര്‍ഷം മുമ്പ് ആധുനിക രീതിയില്‍ നാല്‌കെട്ട് നിലനിറുത്തി തന്നെ പുനഃരുദ്ധരിച്ചിരുന്നു.
പ്രതികരിക്കാൻ ഇവിടെ എഴുതുക: