ന്യൂദല്ഹി : വയനാട് പൂക്കോട് വെറ്ററിനറി കോളേജിലെ വിദ്യാര്ത്ഥി സിദ്ധാര്ത്ഥിന്റെ മരണത്തില് സങ്കടവും ദേഷ്യവും പ്രകടിപ്പിച്ച് കേന്ദ്രമന്ത്രി രാജീവ് ചന്ദ്രശേഖര്. രാഹുല് ഗാന്ധിയുടെ മണ്ഡലത്തിലും ഐ എന് ഡി ഐ എ സഖ്യത്തിന്റെ മുഖ്യമന്ത്രി ഉളള സംസ്ഥാനത്തുമാണ് സംഭവമെന്ന് മന്ത്രി ചൂണ്ടിക്കാട്ടി.ജോഡോ യാത്ര നടത്തുന്ന രാഹുല് വയനാട് പോകണം.
ലോക് സഭ തെരഞ്ഞെടുപ്പില് മത്സരിക്കുമെന്നും ഏത് മണ്ഡലത്തില് മത്സരിക്കണമെന്ന് തന്റെ നേതാക്കള് തീരുമാനിക്കുമെന്നും രാജീവ് ചന്ദ്രശേഖര് പറഞ്ഞു. ഏത് സംസ്ഥാനവും ഒരു പോലെയാണെന്നും അദ്ദേഹം കൂട്ടിച്ചേര്ത്തു.
അതിനിടെ സിദ്ധാര്ത്ഥിന് ഒരു രാഷ്ട്രീയ പാര്ട്ടിയുമായും ബന്ധമില്ലായിരുന്നുവെന്ന് പിതാവ് വ്യക്തമാക്കി.എസ് എഫ് ഐ പ്രവര്ത്തകനായ സിദ്ധാര്ത്ഥിന്റെ മരണത്തിന് ഉത്തരവാദികളെ അറസ്റ്റ് ചെയ്യുക എന്ന ഫ്ലക്സ് എസ് എഫ് ഐക്കാര് വച്ചത് തെറ്റിദ്ധാരണ പരത്താനാണെന്നും അദ്ദേഹം പറഞ്ഞു. കൊന്നവര് തന്നെ ബോര്ഡ് വച്ചിരിക്കുന്ന വൈരുദ്ധ്യമാണ് ഉണ്ടായിട്ടുളളതെന്നും അദ്ദേഹം പറഞ്ഞു.
