തിരുവനന്തപുരം: രാജ്യം പുരോഗമിക്കുമ്പോള്‍ ഇന്ത്യന്‍ നാവികസേനയും പരിവര്‍ത്തനത്തിന്റെ പാതയിലാണെന്ന് അഡ്മിറല്‍ ആര്‍ ഹരികുമാര്‍ പറഞ്ഞു. 2047 ഓടെ ഇന്ത്യന്‍ നാവികസേനയെ ആത്മനിര്‍ഭറും ആധുനിക നാവികസേനയായി മാറ്റാനുള്ള പദ്ധതി നടപ്പാക്കിവരുന്നു. കഴിഞ്ഞ 10 വര്‍ഷത്തിനിടെ നമ്മുടെ രാജ്യത്ത് നിര്‍മിച്ച 33 കപ്പലുകളും മുങ്ങിക്കപ്പലുകളും കമ്മീഷന്‍ ചെയ്ത കാര്യം അദ്ദേഹം എടുത്തു പറഞ്ഞു.
നിര്‍മാണ അനുമതി ലഭിച്ച 66 കപ്പലുകളില്‍ 64 എണ്ണവും രാജ്യത്ത് നിര്‍മ്മിച്ചുവരുന്നു. വിമുക്തഭടന്മാരെ അഭിസംബോധന ചെയ്യുമ്പോള്‍, സ്പര്‍ശ് പദ്ധതിയുമായി ബന്ധപ്പെട്ട് ഉന്നയിക്കുന്ന പ്രശ്‌നങ്ങള്‍ പരിഹരിക്കുന്നതിന് എല്ലാ പിന്തുണയും നല്‍കുമെന്ന് വിമുക്തഭടന്മാരെ അഭിസംബോധന ചെയ്യുമ്പോള്‍ നാവിക സേന മേധാവി പറഞ്ഞു.
സാങ്കേതിക വിദ്യയുടെയും ഉപകരണങ്ങളുടെയും കണ്ടുപിടുത്തക്കാരായ ഇന്ത്യന്‍ എംഎസ്എംഇ, സ്റ്റാര്‍ട്ട് അപ്പുകളെ നാവികസേന പ്രത്യേകം പരിഗണിക്കുന്നുണ്ടെന്നും നല്ല പ്രതികരണങ്ങള്‍ ലഭിച്ചിട്ടുണ്ടെന്നും അഡ്മിറല്‍ അറിയിച്ചു. പരിവര്‍ത്തനം സാങ്കേതികവിദ്യയില്‍ അവസാനിക്കുന്നില്ല, മാനവ വിഭവശേഷിയുടെ കാര്യത്തില്‍ നാവിക സേനാംഗങ്ങളുടെ ശരാശരി പ്രായം 32 വയസ്സില്‍ നിന്ന് 26 വയസ്സാക്കാന്‍ നാവികസേന പദ്ധതിയിടുന്നു. അടുത്ത 7 വര്‍ഷത്തിനുള്ളില്‍ ഇന്ത്യന്‍ നാവികസേനയുടെ 45% സേനാംഗങ്ങളും അഗ്‌നിവീരന്മാരായി മാറുമെന്നു അദ്ദേഹം പറഞ്ഞു. നിലവില്‍ ഈ പദ്ധതിയുടെ കീഴില്‍ 1124 വനിതകള്‍ നാവിക സേനയില്‍ ചേര്‍ന്നിട്ടുണ്ട് എന്നും അവര്‍ക്ക് പുരുഷന്മാരോടൊപ്പം എത് ബ്രാഞ്ചിലും പ്രവര്‍ത്തിക്കാനുള്ള അവസരമുണ്ടെന്നും അദ്ദേഹം കൂട്ടിച്ചേര്‍ത്തു.
പ്രതികരിക്കാൻ ഇവിടെ എഴുതുക: