ഭുവനേശ്വര്‍(ഒഡീഷ): സാംസ്‌കാരികവും സാമ്പത്തികവുമായി ഉയരുന്ന് ഒഡീഷ വികസിതഭാരതത്തിന്റെ കരുത്താകുമെന്ന് കേന്ദ്രമന്ത്രി ധര്‍മേന്ദ്ര പ്രധാന്‍. പ്രധാനമന്ത്രി മോദി നയിക്കുന്ന വികസനക്കുതിപ്പില്‍ അണിചേരാതിരിക്കാന്‍ ഒഡീഷയ്‌ക്കാകില്ലെന്നും ജനങ്ങള്‍ മോദിക്കൊപ്പമാണെന്നും അദ്ദേഹം പറഞ്ഞു. അംഗുല്‍ ജില്ലയിലെ താല്‍ച്ചര്‍ മണ്ഡലത്തില്‍ ധരംപൂരില്‍ ഗുണഭോക്തൃ സമ്പര്‍ക്ക കാമ്പയിനില്‍ പങ്കെടുക്കുകയായിരുന്നു കേന്ദ്രമന്ത്രി.
ധേന്‍കനല്‍, ദേവ്ഗഡ്, സംബല്‍പൂര്‍, ധരംപൂര്‍ മേഖലകളിലെ ഗുണഭോക്താക്കളുമായാണ് ധര്‍മേന്ദ്ര പ്രധാന്‍ കൂടിക്കാഴ്ച നടത്തിയത്. വീടുകള്‍ സന്ദര്‍ശിച്ച പ്രധാന്‍ പ്രധാനമന്ത്രി മോദിയുടെ പദ്ധതികളില്‍നിന്ന് ജനങ്ങള്‍ക്ക് ലഭിച്ച ക്ഷേമത്തെക്കുറിച്ച് അവരുമായി ചര്‍ച്ച ചെയ്തു.
ഗരീബ് കല്യാണ്‍ യോജനയിലൂടെ മോദി ജനങ്ങളെ സുരക്ഷിതരാക്കി. സ്വച്ഛ് ഭാരത് യോജന പ്രകാരം ടോയ്ലറ്റുകള്‍ ഉറപ്പുനല്‍കി. പ്രധാനമന്ത്രി ആവാസ് യോജനയ്‌ക്ക് കീഴില്‍ ഒഡീഷയ്‌ക്ക് മാത്രം 34 ലക്ഷം വീടുകള്‍ നല്‍കി. പ്രധാനമന്ത്രിയുടെ സന്ദേശം ജനങ്ങള്‍ക്കിടയില്‍ എത്തിക്കണമെന്ന് അദ്ദേഹം പാര്‍ട്ടി പ്രവര്‍ത്തകരോട് അഭ്യര്‍ത്ഥിച്ചു.
ഒഡീഷയിലെ താല്‍ച്ചര്‍ മണ്ഡലത്തില്‍ ഗുണഭോക്തൃ സമ്പര്‍ക്കത്തിന്റെ ഭാഗമായി ഗൃഹസന്ദര്‍ശനം നടത്തുന്ന കേന്ദ്രമന്ത്രി ധര്‍മേന്ദ്ര പ്രധാന്‍
പ്രതികരിക്കാൻ ഇവിടെ എഴുതുക: