സുക്മ (ഛത്തീസ്ഗഡ്): ഛത്തീസ്ഗഡിലെ സുക്മ ജില്ലയില് ശനിയാഴ്ച ജില്ലാ റിസര്വ് ഗാര്ഡുകളുമായുണ്ടായ ഏറ്റുമുട്ടലില് ഒരു നക്സല് ഭീകരന് കൊല്ലപ്പെട്ടു.
ബുര്ക്കലങ്ക ജംഗിള് ഏരിയയില് ഡിആര്ജി ജവാന്മാരും ഭീകരരും തമ്മില് ഉണ്ടായ വെടിവയ്പിലാണ് നക്സല് കൊല്ലപ്പെട്ടതെന്ന് ഛത്തീസ്ഗഡ് പോലീസ് അറിയിച്ചു. ഡിആര്ജിയുടെ തിരച്ചിലിനിടെയാണ് നക്സലിന്റെ മൃതദേഹം കണ്ടെടുത്തതെന്ന് സുക്മ എസ്പി കിരണ് ചൗഹാന് അറിയിച്ചു. പ്രദേശത്ത് തെരച്ചില് നടക്കുകയാണെന്നും എസ്പി അറിയിച്ചു.
