കേന്ദ്രമന്ത്രി നിതിന്‍ ഗഡ്കരിയുടെ നേതൃത്വത്തില്‍ റോഡ് സുരക്ഷാ ടെലിത്തോണ്‍ സംഘടിപ്പിച്ചു

ന്യൂദല്‍ഹി: കേന്ദ്രമന്ത്രി നിതിന്‍ ഗഡ്കരിയുടെ നേതൃത്വത്തില്‍ റോഡ് ഗതാഗത, ഹൈവേ മന്ത്രാലയം നേതൃത്വം നല്‍കുന്ന സഡക് സുരക്ഷാ അഭിയാന്‍ റോഡ് സുരക്ഷയെകുറിച്ചുള്ള ടെലിത്തോണ്‍ സംഘടിപ്പിച്ചു. നാല് മണിക്കൂര്‍ പരിപാടിയില്‍ നിതിന്‍ ഗഡ്കരിക്കൊപ്പം ബോളിവുഡ് ഇതിഹാസം അമിതാഭ് ബച്ചന്‍, ഗായകനും സംഗീതസംവിധായകനുമായ ശങ്കര്‍ മഹാദേവന്‍ എന്നിവരുള്‍പ്പെടെ പ്രമുഖ വ്യക്തികള്‍ പങ്കെടുത്തു.

രാജ്യത്ത് ഓരോ വര്‍ഷവും ഏകദേശം 500,000 അപകടങ്ങളിലായി 68,000 പേരുടെ ജീവന്‍ നഷ്ടപ്പെടുകയും 4,50,000 പേര്‍ക്ക് പരിക്കേല്‍ക്കുകയും ചെയ്യുന്നുണ്ടെന്ന് നിതിന്‍ ഗഡ്കരി പറഞ്ഞു. ഓരോ ദിവസവും 460 ഭാരതീയര്‍ക്ക് റോഡപകടങ്ങളില്‍ ജീവന്‍ നഷ്ടപ്പെടുന്നുണ്ടെന്നും ഇത് ഓരോ മണിക്കൂറിലും 19 മരണങ്ങള്‍ എന്ന അമ്പരപ്പിക്കുന്ന യാഥാര്‍ഥ്യമാണെന്നും ഒരു രാഷ്‌ട്രമെന്ന നിലയില്‍, കൊവിഡിനെതിരെ പോരാടിയതു പോലെ, അപകടങ്ങള്‍ തടയാന്‍ ഒരുമിച്ച് പ്രവര്‍ത്തിക്കേണ്ടതുണ്ടെന്നും അമിതാഭ് ബച്ചന്‍ പറഞ്ഞു.