ഹൈദരാബാദ്: പ്രതിപക്ഷ ബിആർഎസ് എംഎൽഎ ജി. ലാസ്യ നന്ദിത(36) വെള്ളിയാഴ്ച പടഞ്ചെരുവിൽ വാഹനാപകടത്തിൽ മരിച്ചു. ഇന്ന് പുലർച്ചെ 5.30 ഓടെയാണ് സംഭവം നടന്നത്. സെക്കന്തരാബാദ് കൻ്റോൺമെൻ്റിൽ നിന്നുള്ള നിയമസഭാംഗമായിരുന്നു അവർ.
ലാസ്യ സഞ്ചരിച്ച കാർ ഔട്ടർ റിംഗ് റോഡിലെ മെറ്റൽ ക്രാഷ് ബാരിയറിൽ ഇടിച്ച് മറിയുകയായിരുന്നു. ഈ അപകടമാണ് മരണത്തിലേക്ക് നയിച്ചതെന്ന് പോലീസ് പറഞ്ഞു.
സംഭവത്തിൽ കാറിന്റെ ഡ്രൈവർക്ക് ഗുരുതരമായി പരിക്കേറ്റതായി പോലീസ് പറഞ്ഞു. അപകടം നടന്നയുടൻ ഇരുവരെയും ആശുപത്രിയിൽ എത്തിച്ചപ്പോഴെക്കും എംഎൽഎ മരിച്ചതായി ഡോക്ടർമാർ അറിയിച്ചു.
