ഓരോ വനിതാ ദിനവും വ്യത്യസ്തമാക്കാൻ മിക്കവരും ശ്രമിക്കാറുണ്ട്. വനിതാ ദിനത്തിൽ യാത്ര ചെയ്യാൻ പ്ലാൻ ചെയ്യുന്നവർക്കായി കെഎസ്ആർടിസി സേവനമൊരുക്കിയിരിക്കുകയാണ്. കെഎസ്ആർടിസി ബസ് വാടകയ്‌ക്ക് എടുത്ത് പോകുന്നതിനുള്ള സൗകര്യമാണ് സജ്ജമാക്കിയിരിക്കുന്നത്.
മാർച്ച് എട്ടിനാണ് ലോക വനിതാ ദിനം. ഈ ദിവസത്തിൽ വനിതകൾക്ക് മാത്രമായാണ് കെഎസ്ആർടിസി വിനോദ യാത്രകൾ ഒരുക്കിയിരിരക്കുന്നത്.ജനപ്രിയ വിനോദസഞ്ചാര റൂട്ടുകളിലേക്ക് പുറമെ വനിതാ ഗ്രൂപ്പുകൾ ആവശ്യപ്പെടുന്ന സ്ഥലങ്ങളിലേക്കും ബജറ്റ് ടൂറിസം സെല്ലിന്റെ നേതൃത്വത്തിൽ യാത്ര ചെയ്യാം. മാർച്ച് എട്ട് മുതൽ ഒരാഴ്ച സമയത്തേക്കാണ് വനിതകൾ ആവശ്യപ്പെടുന്ന ഇടങ്ങളിലേക്ക് യാത്ര പോകാൻ സാധിക്കുന്നത്. മുൻകൂട്ടി ബുക്ക് ചെയ്ത് കെഎസ്ആർടിസി ബജറ്റ് ടൂറിസം സെൽ നടത്തുന്ന വിനോദ യാത്രകളിൽ പങ്കെടുക്കുന്നതിനുള്ള സൗകര്യവും സജ്ജമാക്കിയിട്ടുണ്ട്.
വണ്ടർലാ ട്രിപ്പ്
വനിതാ ദിനത്തോടനുബന്ധിച്ച് സംസ്ഥാനത്തെ എല്ലാ കെഎസ്ആർടിസി യൂണിറ്റുകളിൽ നിന്നും വണ്ടർ ലായിലേക്ക് സ്പെഷ്യൽ സർവീസ് നടത്തുന്നു. വനിതാ ദിനത്തിന്റെ ഭാഗമായി കെഎസ്ആർടിസി പാക്കേജിൽ വരുന്ന വനിതകൾക്ക് നിരക്കിളവും നൽകിയിട്ടുണ്ട്. യാത്രയിൽ പത്ത് വയസ് വരെ പ്രായമുള്ള ആൺകുട്ടികളെയും ഒപ്പം കൂട്ടാവുന്നതാണ്.
ആലപ്പുഴ കെഎസ്ആർടിസി വനിതാ ദിന യാത്രകൾ
ആലപ്പുഴ കെഎസ്ആർടിസിയുടെ നേതൃത്വത്തിൽ വനിതാ ദിനത്തിന്റെ ഭാഗമായി വിവിധ ഇടങ്ങളിലേക്ക് യാത്രകൾ സജ്ജമാക്കിയിട്ടുണ്ട്. ഗവി, മാമലക്കണ്ടം, മൂന്നാർ, ചതുരംഗപ്പാറ, മറയൂർ, കാന്തല്ലൂർ, പൊ്ന്മുടി, അടവി, തെന്മല, മലക്കപ്പാറ, വാഗമൺ, പരുന്തുംപാറ എന്നീ സ്ഥലങ്ങളിലേക്കും യാത്രകൾ സജ്ജമാക്കിയിട്ടുണ്ട്. കൂടുതൽ വിവരങ്ങൾക്കും ബുക്കിംഗിനും 9846475874 എന്ന നമ്പറിൽ ബന്ധപ്പെടാവുന്നതാണ്.
പ്രതികരിക്കാൻ ഇവിടെ എഴുതുക: