തിരുവനന്തപുരം: സംസ്ഥാനത്തെ റവന്യൂ, സര്‍വേ ഭൂരേഖ വകുപ്പുകളിലെ മികച്ച ജീവനക്കാര്‍ക്കുള്ള 2024ലെ റവന്യൂ അവാര്‍ഡുകള്‍ പ്രഖ്യാപിച്ചു. തിരുവനന്തപുരം ജില്ലാ കളക്ടര്‍ ജെറോമിക് ജോര്‍ജിനാണ് മികച്ച ജില്ലാ കളക്ടര്‍ക്കുള്ള പുരസ്‌കാരം. തിരുവനന്തപുരം കളക്ടറേറ്റ് മികച്ച കളക്ടറേറ്റായും തെരഞ്ഞെടുത്തു. റവന്യൂമന്ത്രി കെ.രാജനാണ് പുരസ്‌കാരങ്ങള്‍ പ്രഖ്യാപിച്ചത്.
വില്ലേജ് ഓഫിസര്‍ മുതല്‍ ജില്ലാ കളക്ടര്‍വരെയുള്ള ഉദ്യോഗസ്ഥര്‍ക്കും വിവിധ ഓഫിസുകള്‍ക്കും സര്‍വേ ഭൂരേഖാ വകുപ്പിലെ വിവിധ തസ്തികയിലുള്ള ജീവനക്കാര്‍ക്കുമാണ് പുരസ്‌കാരങ്ങള്‍ നല്‍കുന്നത്. ഫെബ്രുവരി 24നു വൈകിട്ടു നാലിനു കണ്ണൂര്‍ കളക്ടറേറ്റ് ഓഡിറ്റോറിയത്തില്‍ നടക്കുന്ന റവന്യൂ ദിനാഘോഷ ചടങ്ങില്‍ മുഖ്യമന്ത്രി പിണറായി വിജയന്‍ പുരസ്‌കാരങ്ങള്‍ വിതരണം ചെയ്യും.
തലശേരി സബ് കളക്ടര്‍ സന്ദീപ് കുമാറാണ് മികച്ച സബ് കളക്ടര്‍. മികച്ച ആര്‍.ഡി.ഒയായി പാലക്കാട് ആര്‍.ഡി.ഒ. ഡി. അമൃതവല്ലിയും മികച്ച റവന്യൂ ഡിവിഷണല്‍ ഓഫിസായി പാലക്കാട് ആര്‍.ഡി.ഒ. ഓഫിസും തെരഞ്ഞെടുക്കപ്പെട്ടു. ഡെപ്യൂട്ടി കളക്ടര്‍ വിഭാഗത്തില്‍ ഡെപ്യൂട്ടി കളക്ടര്‍ (ജനറല്‍) എസ്. സന്തോഷ് കുമാര്‍ (ആലപ്പുഴ), എല്‍.ആര്‍ പി.എന്‍. പുരുഷോത്തമന്‍(കോഴിക്കോട്), ആര്‍.ആര്‍ സച്ചിന്‍ കൃഷ്ണന്‍ (പാലക്കാട്), ഡി.എം. ഉഷ ബിന്ദുമോള്‍ കെ. (എറണാകുളം), എല്‍.എ. ജേക്കബ് സഞ്ജയ് ജോണ്‍ (തിരുവനന്തപുരം), എല്‍എ എന്‍എച്ച് ഷീജ ബീഗം യു. (തിരുവനന്തപുരം) എന്നിവര്‍ പുരസ്‌കാരത്തിന് അര്‍ഹരായി.
പ്രതികരിക്കാൻ ഇവിടെ എഴുതുക: