തൃശ്ശൂര്: കരുവന്നൂര് തട്ടിപ്പ് കേസില് തൃശ്ശൂര് കോര്പ്പറേഷന് കൗണ്സിലര് അനൂപ് ഡേവിസ് കാടക്കും വടക്കാഞ്ചേരി നഗരസഭയിലെ സിപിഎം കൗണ്സിലര് മധു അമ്പലപുരത്തിനും വീണ്ടും ഇ ഡി നോട്ടീസ്. ചോദ്യം ചെയ്യലിന് ഹാജരാകണമെന്ന് ആവശ്യപ്പെട്ടാണ് നോട്ടീസ്.
തട്ടിപ്പുമായി ബന്ധപ്പെട്ട് ഇരുവരെയും നിരവധി തവണ ഇ ഡി ചോദ്യം ചെയ്തിരുന്നു. തട്ടിപ്പില് അറസ്റ്റ് ചെയ്ത പി. സതീഷ്കുമാറുമായുള്ള ബന്ധമാണ് ഇവരെ വീണ്ടും വിളിപ്പിച്ചതിന് പിന്നിലെന്ന് കരുതുന്നു. ചോദ്യം ചെയ്യലിനായി ഇന്ന് ഹാജരാകണമെന്നാണ് നോട്ടീസ്.
സിപിഎം തൃശ്ശൂര് ഏരിയാ കമ്മിറ്റിയംഗമായ അനൂപ് ഡേവിസ് സതീഷ്കുമാറുമായി അടുത്ത ബന്ധം പുലര്ത്തിയിരുന്നു. മുന്മന്ത്രി എ.സി. മൊയ്തീനെ സതീഷ്കുമാറുമായി ബന്ധപ്പെടുത്തിയത് അനൂപാണ്. ഇക്കാര്യം സതീഷ്കുമാറിന്റെ സന്തത സഹചാരിയും സാക്ഷിയുമായ കെ.എ. ജിജോര് ഇ ഡിയോട് വെളിപ്പെടുത്തിയിരുന്നു.
