കൊച്ചി: കളിപ്പാട്ടത്തില്‍ ഒളിപ്പിച്ച് കടത്താന്‍ ശ്രമിച്ച സ്വര്‍ണം പിടികൂടി. നെടുമ്പാശ്ശേരി വിമാനത്താവളത്തില്‍ നിന്നും 60 ലക്ഷം രൂപയുടെ സ്വര്‍ണമാണ് പിടികൂടിയത്. ക്വാലാലംപൂരില്‍ നിന്നും ജിദ്ദയില്‍ നിന്നും എത്തിയ യാത്രികരെ സംഭവവുമായി ബന്ധപ്പെട്ട് അറസ്റ്റ് ചെയ്തു.
ജിദ്ദയില്‍ നിന്നും വന്ന ഒരു യാത്രക്കാരനില്‍ നിന്നും 140 ഗ്രാം വരുന്ന ഏഴര ലക്ഷം രൂപയുടെ സ്വര്‍ണമാണ് പിടിച്ചെടുത്തത്. ആറ് കഷ്ണങ്ങളാക്കി കളിപ്പാട്ടത്തിനുള്ളില്‍ ഒളിപ്പിച്ച നിലയിലാണ് സ്വര്‍ണം പിടികൂടിയത്. അതേസമയം ക്വാലാലംപൂരില്‍ നിന്നും വന്ന മലേഷ്യന്‍ സ്വദേശിയില്‍ നിന്നും 999 ഗ്രാം വരുന്ന രണ്ട് ഗോള്‍ഡ് ചെയിനുകളാണ് പിടിച്ചെടുത്തത്. രണ്ട് പേരില്‍ നിന്നായി 60 ലക്ഷം രൂപയുടെ സ്വര്‍ണം പിടികൂടി.
പ്രതികരിക്കാൻ ഇവിടെ എഴുതുക: