ആലപ്പുഴ: ഹരിപ്പാട് കരുവാറ്റ ജംഗ്ഷന് സമീപം കാറിന് തീപിടിച്ചു. തിരുവനന്തപുരത്ത് നിന്നും എറണാകുളത്തെ സ്വകാര്യ ആശുപത്രിയിലേക്ക് പോകുകയായിരുന്ന കാറിനാണ് തീപിടിച്ചത്. കാറില്‍ രണ്ട് പുരുഷന്മാരും ഒരു സ്ത്രീയും ഉള്‍പ്പെടെ മൂന്ന് യാത്രികരായിരുന്നു ഉണ്ടായിരുന്നത്.
തിരുവനന്തപുരം നേമം സ്വദേശി ഷരീഫ് ആണ് വാഹനം ഓടിച്ചിരുന്നത്. ടിബി ജംഗ്ഷന് സമീപമെത്തിയപ്പോള്‍ കാറിന്റെ ബോണറ്റിന് ഉള്ളില്‍ നിന്നും കറുത്ത പുക ഉയരുന്നത് ശ്രദ്ധയില്‍പ്പെട്ടു. ഉടന്‍ തന്നെ ഷരീഫ് വാഹനം സൈഡിലേക്ക് ഒതുക്കി നിര്‍ത്തിയ ശേഷം യാത്രക്കാരെ പുറത്തിറക്കി. ഇതിന് പിന്നാലെ തീ പടര്‍ന്നു പിടിക്കുകയായിരുന്നുവെന്ന് യാത്രികര്‍ പറയുന്നു.
തിരുവനന്തപുരം മെഡിക്കല്‍ കോളേജ് ആശുപത്രിയിലെ ഫാര്‍മസിസ്റ്റ് ബാബുവും ഭാര്യയുമായിരുന്നു വാഹനത്തില്‍ ഉണ്ടായിരുന്നത്. സംഭവത്തിന് പിന്നാലെ ഇരുവരെയും മറ്റൊരു കാറില്‍ എറണാകുളത്തേക്ക് അയച്ചു.
പ്രതികരിക്കാൻ ഇവിടെ എഴുതുക: