ആലപ്പുഴ: കായംകുളം എരുവയില്‍ യുവതി വീടിനുള്ളില്‍ ദുരൂഹ സാഹചര്യത്തില്‍ മരിച്ച നിലയില്‍. എരുവ കിഴക്ക് ശ്രീനിലയം വീട്ടില്‍ പ്രശാന്തിന്റെ ഭാര്യ അശ്വതി എന്ന ലൗലിയാണ് മരിച്ചത്. ഇവര്‍ ഇവിടെ വാടകയ്‌ക്ക് താമസിച്ച് വരികയായിരുന്നു. തെക്കേക്കര വാത്തികുളം സ്വദേശിയായ പ്രശാന്ത് ഒളിവിലാണ്.
വീടിന്റെ സ്വീകരണ മുറിയിലാണ് ലൗലിയുടെ മൃതദേഹം കണ്ടെത്തിയത് കഴുത്തില്‍ മുറിവേറ്റിട്ടുണ്ട്. ഇവരുടെ മക്കള്‍ രണ്ട് ദിവസം മുമ്പ് ലൗലിയുടെ വീട്ടില്‍ പോയിരുന്നു.മടങ്ങിയെത്തി കതക് തുറന്നപ്പോഴാണ് ലൗലിയെ മരിച്ച നിലയില്‍ കണ്ടത്.
പ്രശാന്ത് ശനിയാഴ്ച പുലര്‍ച്ച വരെയും വീട്ടിലുണ്ടായിരുന്നു എന്ന് അയല്‍വാസികള്‍ പറഞ്ഞു.ഫോറന്‍സിക് വിദഗ്‌ദ്ധര്‍ എത്തി തെളിവുകള്‍ ശേഖരിച്ചു.
പ്രതികരിക്കാൻ ഇവിടെ എഴുതുക: