കണ്ണൂർ: കൊട്ടിയൂർ പന്നിയാംമലയിൽ കമ്പിവേലിയിൽ കുടുങ്ങിയ കടുവയെ മയക്കുവെടി വച്ച് പിടികൂടിയെങ്കിലും ജീവൻ രക്ഷിക്കാനായില്ല. തൃശൂർ മൃഗശാലയിലേക്ക് കൊണ്ട് പോകവെ കോഴിക്കോട് വച്ചാണ് കടുവ ചത്തത്. കമ്പിവേലിയിൽ കുടുങ്ങി കടുവയ്ക്ക് പരിക്കേറ്റിരുന്നു.
ഇന്നലെയാണ് കമ്പിവേലിയിൽ കുടുങ്ങിയ നിലയിൽ കടുവയെ കണ്ടത്. കടുവയെ താമസിപ്പിക്കുന്നതിനുള്ള കൂടും വെറ്റിനറി ഡോക്ടർമാരെയും മൃഗശാലയിൽ സജ്ജമാക്കിയിരുന്നു. രാത്രിയോടെ കടുവയെ മാറ്റുന്നതിനായി വാഹനത്തിൽ കയറ്റി തൃശൂരിലേക്ക് പൊകവയൊണ് കടുവ ചത്തത്.
കമ്പിവേലിയിൽ കുടുങ്ങിയ കടുവ രക്ഷപ്പെടാൻ ശ്രമിച്ചിരുന്നെങ്കിലും ഏറെ നേരത്തെ പരിശ്രമത്തിനൊടുവിലാണ് പ്രദേശവാസികൾ കാണുന്നത്. എന്നാൽ ഈ സമയം കടുവ അവശനായിരുന്നുവെന്ന് വനം വകുപ്പ് പറയുന്നു.
