കോഴിക്കോട് : കെഎസ്ആര്ടിസി ബസ് സ്റ്റാന്ഡിന് സമീപം കെഎസ്ആര്ടിസി കണ്ടക്ടര് തൂങ്ങിമരിച്ച നിലയില്. കൂരാച്ചുണ്ട് സ്വദേശി അനീഷാണ് മരിച്ചത്.
ഇയാളെ കഴിഞ്ഞ ദിവസം മുതല് കാണാനില്ലെന്ന് കാട്ടി ബന്ധുക്കള് കൂരാച്ചുണ്ട് പൊലീസില് പരാതി നല്കിയിരുന്നു. തുടര്ന്ന് മൊബൈല് ലൊക്കേഷന് പരിശോധിച്ചപ്പോള് ഇയാള് കോഴിക്കോടുള്ള ഹോട്ടലില് ഉള്ളതായി മനസിലാക്കാനായി.
ചൊവ്വാഴ്ച രാവിലെ ഒന്പതു മണിയോടെ കസബ പൊലീസ് ഹോട്ടലില് എത്തി മുറി പരിശോധിച്ചപ്പോളാണ് ഇയാളെ തൂങ്ങി മരിച്ച നിലയില് കണ്ടെത്തിയത്. കഴിഞ്ഞ മാസം ഇയാളെ തൊട്ടില് പാലം ഡിപ്പോയില് നിന്നും കാസര്ഗോട്ടേക്ക് സ്ഥലം മാറ്റിയിരുന്നു.
അവിടെ ജോലിയില് പ്രവേശിച്ച് രണ്ടു ദിവസം ജോലിയില് കയറിയെങ്കിലും പിന്നീട് കോഴിക്കോടേക്ക് തിരിച്ചു വന്നു. ആസ്വഭാവിക മരണത്തിന് കസബ പൊലീസ് കേസെടുത്തു.
