മുൻവൈരാഗ്യം; തിരുവനന്തപുരത്ത് മൂന്നംഗ സംഘം യുവാവിനെ കുത്തിക്കൊലപ്പെടുത്തി

തിരുവനന്തപുരം: പേയാട് കാരാംകോട്ട്‌കോണത്ത് യുവാവിനെ കുത്തിക്കൊലപ്പെടുത്തി. 24 വയസുകാരനായ ശരത് ആണ് കൊല്ലപ്പെട്ടത്.സംഭവത്തിൽ സുഹൃത്തുക്കളായ രണ്ട് പേർക്ക് മർദ്ദനമേറ്റു.കേസുമായി ബന്ധപ്പെട്ട് മൂന്ന് പേരെ പോലീസ് കസ്റ്റഡിയിൽ എടുത്തിട്ടുണ്ട്.

ഇന്നലെ രാത്രി 11.30-ഓടെയായിരുന്നു സംഭവം.ബിയർ ബോട്ടിൽ പൊട്ടിച്ച് കുത്തിക്കൊലപ്പെടുത്തുകയായിരുന്നു. കഴിഞ്ഞ വർഷം ക്ഷേത്രോത്സവവുമായി ബന്ധപ്പെട്ട തർക്കമാണ് കൊലപാതകത്തിൽ കലാശിച്ചത്.

കാരാംകോട്ട്‌കോണം ക്ഷേത്രത്തിലെ ആളോഴിഞ്ഞ പറമ്പിൽ സുഹൃത്തുക്കളുമായി ഇരിക്കവെയായിരുന്നു മൂന്നംഗ സംഘം ശരത്തിനെ ആക്രമിച്ചത്. ആക്രമണത്തിൽ സുഹൃത്തുക്കളായ ആദർശ്, അഖിലേഷ് എന്നിവർക്കും മർദ്ദനമേറ്റിട്ടുണ്ട്.