കണ്ണൂർ: പഴയങ്ങാടി പാലത്തിന് മുകളിൽ ടാങ്കർ ലോറി മറിഞ്ഞ് അപകടം. നിയന്ത്രണം വിട്ട ലോറി രണ്ട് വാഹനങ്ങളിൽ ഇടിച്ചതിന് പിന്നാലെ മറിയുകയായിരുന്നു. ഇന്ധനച്ചോർച്ച ഇല്ലാതിരുന്നതിനാൽ വൻദുരന്തം ഒഴിവായി.
ഇന്ന് പുലർച്ചെ ഒന്നരയോടെയായിരുന്നു സംഭവം. മംഗലാപുരത്ത് നിന്ന് കോഴിക്കോട്ടേക്ക് വരികയായിരുന്ന ലോറിയാണ് അപകടത്തിൽപ്പെട്ടത്. നിയന്ത്രണം വിട്ട ലോറി കാറിലും ട്രാവലറിലും ഇടിച്ചു. ട്രാവലറിൽ ഉണ്ടായിരുന്ന എട്ടോളം ആളുകൾക്ക് നിസാര പരിക്കുകളുണ്ട്.
അപകടത്തിൽ ടാങ്കർ ലോറിയുടെ ഡ്രൈവർക്കും പരിക്കേറ്റിട്ടുണ്ട്. ഇവരെ പരിയാരം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചിരിക്കുകയാണ്. പഴയങ്ങാടി പാലത്തിന് മുകളിലൂടെ മറ്റ് വാഹനങ്ങൾ കടത്തി വിടുന്നില്ല.
