തിരുവനന്തപുരം: കേന്ദ്ര അവഗണന തുടര്ന്നാല് പ്ലാന് ബി എടുക്കുമെന്ന ധനമന്ത്രി ബാലഗോപാലിന്റെ ബജറ്റിലെ ഭീഷണിയെ കൊന്നു കൊലവിളിച്ചു സോഷ്യല് മീഡിയ.
ബി ജെ പി വക്താവ് സന്ദീപ് വാര്യര് ഭീഷണിയെ ഗൗരവത്തിലെടുത്ത് തിരിച്ചടിച്ചപ്പോള് ട്രോളര്മാര് മന്ത്രിയെ വലിച്ചു കീറി ഭിത്തിയിലൊട്ടിച്ചു.
കേന്ദ്ര അവഗണനക്കെതിരായ പ്ലാന് ബി സ്വതന്ത്ര രാഷ്ട്ര വാദമാണോ എന്ന ചോദ്യമാണ് സന്ദീപ് വാര്യര് ഉന്നയിച്ചത്. ചങ്കൂറ്റമുണ്ടെങ്കില് തുറന്നു പറയാനും വെല്ലുവിളിച്ചു.
രാഷ്ട്രീയ നിരീക്ഷകനായ ശ്രീജിത് പണിക്കര് ചെവിയില് ചെമ്പരത്തിപ്പൂ ചൂടി നില്ക്കുന്ന നടന്റെ ചിത്രമിട്ടാണ് പ്ലാന് ബിയെ അലക്കിയത്.
ശ്രീപത്മനാഭ സ്വാമി ക്ഷേത്രത്തിലെ ബി നിലവറയിലെ നിധിയില് പകല് കിനാവ് കാണുകയാണോ ബാലഗോപാലെന്ന ചോദ്യവും ഉയര്ന്നിട്ടുണ്ട്. ബാലഗോപാലിന്റെ മുന്ഗാമി തോമസ് ഐസക്ക് പത്മനാഭന്റെ നിധി അധ്വാന വര്ഗത്തിന്റെ വിയര്പ്പാണെന്നൊക്കെ വാദിച്ചെങ്കിലും ഭക്തരുടെ രോഷം ഭയന്ന് പിന്മാറുകയായിരുന്നു.
പ്ലാന് ബി യിലെ ബി സി പി എം പിരിവിന്റെ ചിഹ്നമായ ബക്കറ്റാണെന്ന ട്രോളുകളാണ് വൈറലായത്.
പ്ലാന് ബി എന്നെഴുതിയ ബക്കറ്റുമായി തെണ്ടാനിറങ്ങുന്ന മന്ത്രിയുടെ പല തരം ചിത്രങ്ങള് സോഷ്യല് മീഡിയയില് നിറഞ്ഞു.
ട്രോളര്മാര്ക്ക് ഇരയായി ധനമന്ത്രിയുടെ പ്ലാന് ബി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.