തൃശൂര് : വൈദ്യുതി ലൈനില് മുട്ടിയെന്നതിന്റെ പേരില് കെ എസ് ഇ ബി ജീവനക്കാര് നേന്ത്ര വാഴകള് വെട്ടി നശിപ്പിച്ചു. തൃശൂര് എടത്തിരുത്തി ചൂലൂരിലാണ് സംഭവം.
ചൂലൂരിലെ സന്തോഷിന്റെ കൃഷിയാണ് നശിപ്പിച്ചത്. വലപ്പാട് കെ എസ് ഇ ബി സെക്ഷനിലെ കരാര് ജീവനക്കാരാണ് വാഴ വെട്ടിയത്. കുലച്ച നിലയിലുളള പത്തോളം വാഴകളാണ് വെട്ടി നശിപ്പിച്ചത്.
ചൂലൂര് ജുമാ മസ്ജിദിന് എതിര് വശത്തെ പറമ്പില് സന്തോഷും സുഹൃത്തുക്കളും ചേര്ന്ന് കൃഷി ചെയ്ത വാഴകളാണ് വെട്ടിനശിപ്പിച്ചത്.
വാഴ കൃഷി നടത്തുന്ന സ്ഥലത്ത് മതില് ചാടിക്കടന്നെത്തിയാണ് കരാര് ജീവനക്കാര് ലൈനിന് താഴെയുളള വാഴകള് വെട്ടി നശിപ്പിച്ചത്. പത്ത് വര്ഷത്തോളമായി ഈ സ്ഥലത്ത് കൂടി പോകുന്ന ലൈനില് വൈദ്യുതി പ്രവാഹമില്ലെന്ന് സന്തോഷും സുഹൃത്തുക്കളും പറഞ്ഞു.
