ഹൈദ്രാബാദ്: ഇംഗ്ലണ്ടിനെതിരായ രണ്ടാം ടെസ്റ്റിന്റെ രണ്ടാം ദിനം അവസാനിക്കുമ്പോള് ഇന്ത്യ വിക്കറ്റ് നഷ്ടപ്പെടാതെ 28 റണ്സ് എന്ന നിലയില്. 13 റണ്സുമായി രോഹിത് ശര്മ്മയും 15 റണ്സുമായി ജയ്സ്വാളുമാണ് ക്രീസില് . ഇന്ത്യക്ക് ഇപ്പോള് 171 റണ്സിന്റെ ലീഡാണുളളത്. നേരത്തെ ഇന്ത്യ ഇംഗ്ലണ്ടിനെ 253 റണ്ണിന് പുറത്താക്കിയതോടെ 143 റണ്സിന്റെ ആദ്യ ഇന്നിംഗ്സ് ലീഡ് നേടിയിരുന്നു.
നാല് വിക്കറ്റ് നഷ്ടത്തില് 155 എന്ന നിലയില് അവസാന സെഷന് തുടങ്ങിയ ഇംഗ്ലണ്ടിനെ ജസ്പ്രീത് ബുമ്രയാണ് തകര്ത്തത്. 6 വിക്കറ്റുകള് ആകെ ബുമ്ര വീഴ്ത്തി.അവസാന സെഷനില് ബെയര്സ്റ്റോ 25 റണ്സും സ്റ്റോക്സ് 47 റണ്സും ഹാര്ട്ലി 21 റണ്സുമെടുത്ത് ബംറയ്ക്ക് മുന്നില് വീണു. ആന്ഡേഴ്സണെയും ബുമ്ര പുറത്താക്കി.
ഇന്ന് 78 പന്തില് നിന്ന് 76 റണ്സ് എടുത്ത സാക് ക്രോലിയെ അക്സര് പട്ടേല് പുറത്താക്കി. 21 റണ്സ് എടുത്ത ഡക്കറ്റിനെ കുല്ദീപ് പുറത്താക്കി. 23 റണ്സ് എടുത്ത ഒലി പോപും 5 റണ്സ് എടുത്ത ജോ റൂട്ടുമാണ് ബുമ്രക്ക് മുന്നില് വീണത്.
കുല്ദീപ് 3 വിക്കറ്റും അക്സര് പട്ടേല് ഒരു വിക്കറ്റും വീഴ്ത്തി. 45 റണ്സ് മാത്രം വഴങ്ങിയാണ് ബുമ്ര 6 വിക്കറ്റ് വീഴ്ത്തിയത്.
