ഇടുക്കി: കൊലപാതക ശ്രമത്തിൽ ഒളിവിൽ കഴിഞ്ഞ പ്രതി രണ്ടര മാസത്തിന് ശേഷം അറസ്റ്റിൽ. കാടിനുള്ളിൽ ഒളിവിൽ കഴിഞ്ഞിരുന്ന കരുണാപുരം കട്ടേ്ക്കാനം ആടിമാക്കൽ സന്തോഷ് ആണ് അറസ്റ്റിലായത്.
തമിഴ്‌നാട് കിഴക്കേപ്പെട്ടി വനമേഖലയിലാണ് പ്രതി ഒളിവിൽ കഴിഞ്ഞിരുന്നത്.മാസങ്ങളോളം ഇയാളെ നിരീക്ഷിച്ച ശേഷം കമ്പംമെട്ട് പോലീസ് വനത്തിലെത്തി ഇയാളെ പിടികൂടുകയായിരുന്നു. ഓടി രക്ഷപ്പെടാൻ ശ്രമിച്ച പ്രതിയെ സാഹസികമായാണ് പിടികൂടിയത്.
ഒളിവിലായിരുന്ന സമയം പാറയിടുക്കിലാണ് താമസിച്ചതെന്നും ചെറുമൃഗങ്ങളെ വേട്ടയാടി ലഭിക്കുന്ന മാംസവും കായ്കനികളുമാണ് ഭക്ഷിച്ചിരുന്നതെന്നും പ്രതി പോലീസിന് മൊഴി നൽകി. 2023 ഡിസംബറിലാണ് കേസിന് ആസ്പദമായ സംഭവം. സന്തോഷും ഇയാളുടെ സുഹൃത്ത് മനുവും ചേർന്ന് യുവാവിനെ ആക്രമിക്കുകയായിരുന്നു. ആക്രമണത്തിൽ യുവാവിന്റെ തലയോട്ടിക്ക് പൊട്ടലുണ്ടായിരുന്നു.
പ്രതികരിക്കാൻ ഇവിടെ എഴുതുക: