കൊച്ചി: ഇന്ത്യന്‍ കോസ്റ്റ് ഗാര്‍ഡ് (ഐസിജി) രാജ്യത്തിന് നല്കുന്ന സേവനം മഹത്തരമെന്ന് ഗവര്‍ണര്‍ ആരിഫ് മുഹമ്മദ് ഖാന്‍. തീരസുരക്ഷ ഒരുക്കുന്നതില്‍ ഐസിജി വലിയ പങ്കാണ് വഹിക്കുന്നത്. സേനയില്‍ എനിക്ക് പൂര്‍ണ വിശ്വാസമുണ്ട്. ഇവര്‍ക്ക് നമ്മുടെ അതിര്‍ത്തി കാക്കാന്‍ സാധിക്കുമെന്നും ഗവര്‍ണര്‍ പറഞ്ഞു.
ഇന്ത്യന്‍ കോസ്റ്റ് ഗാര്‍ഡ് ദിനാഘോഷത്തിന്റെ ഭാഗമായി നടന്ന പരിപാടിയില്‍ സംസാരിക്കുകയായിരുന്നു അദ്ദേഹം. ഭാരതീയന്‍ എന്ന നിലയില്‍ കൂടുതല്‍ അഭിമാനം തോന്നുന്നു. കോസ്റ്റ് ഗാര്‍ഡിലെ ഓരോ ജീവനക്കാരെയും അഭിനന്ദിക്കുന്നു. അവര്‍ നല്കുന്ന സുരക്ഷയിലാണ് ഓരോരുത്തരും സുഖമായി ഉറങ്ങുന്നത്. ആത്മനിര്‍ഭര്‍ ഭാരതിന്റെ ഭാഗമായി നിര്‍മിച്ച കപ്പലുകളാണ് ആഘോഷത്തില്‍ പങ്കെടുത്തത്. ഇത് ആത്മവിശ്വാസം ഉയര്‍ത്തുന്നതാണെന്നും അദ്ദേഹം പറഞ്ഞു.
ജന്മഭൂമി ഓണ്‍ലൈന്‍
പ്രതികരിക്കാൻ ഇവിടെ എഴുതുക: