ചെന്നൈ: ഓടികൊണ്ടിരിക്കുന്ന ബസില്‍ നിന്ന് ഗര്‍ഭിണിയായ ഭാര്യയെ തള്ളിയിട്ട് കൊലപ്പെടുത്തി ഭര്‍ത്താവ്. കഴിഞ്ഞ ദിവസം തമിഴ്‌നാട്ടിലെ ദിണ്ടിഗല്‍ ജില്ലയിലാണ് സംഭവം നടന്നത്. ഭര്‍ത്താവ് പാണ്ഡ്യനെ(24) പോലീസ് അറസ്റ്റ് ചെയ്തു.
19 കാരിയായ ഭാര്യ വളര്‍മതിയും പാണ്ഡ്യനും ദിണ്ടിഗലില്‍ നിന്ന് പൊന്നമരാവതിയിലേക്ക് യാത്ര ചെയ്യുന്ന സമയത്തായിരുന്നു ഭര്‍ത്താവിന്റെ കൊടും ക്രൂരത. വളര്‍മതി അഞ്ചുമാസം മാസം ഗര്‍ഭിണിയായിരുന്നു. എട്ട് മാസം മുമ്പായിരുന്നു ഇരുവരുടെയും വിവാഹം.
ബസില്‍ കയറുന്ന സമയത്ത് തന്നെ പാണ്ഡ്യന്‍ മദ്യ ലഹരിയിലായിരുന്നു. ബസില്‍ വച്ച് ഇരുവരും തമ്മിലുണ്ടായ വാക്കുതര്‍ക്കമാണ് കൊലപാതകത്തില്‍ കലശിച്ചതെന്നാണ് പോലീസ് പറയുന്നത്. പൊന്നമരാവതിയിലേക്ക് പോകുന്ന വേളയില്‍ കണവായ്പട്ടിക്ക് സമീപമെത്തിയപ്പോഴായിരുന്നു ഭാര്യയെ ബസില്‍ നിന്നും തള്ളിയിട്ടത്. സംഭവത്തില്‍ പാണ്ഡ്യനെതിരെ കേസ് രജിസ്റ്റര്‍ ചെയ്തതായി പോലീസ് വ്യക്തമാക്കി.
പ്രതികരിക്കാൻ ഇവിടെ എഴുതുക: