തിരുവനന്തപുരം: സൗജന്യ സ്‌കൂള്‍ യൂണിഫോം പദ്ധതിയില്‍ തുണി നെയ്ത് നല്‍കിയ കൈത്തറി നെയ്ത്ത് തൊഴിലാളികള്‍ക്ക് വിതരണം ചെയ്യാന്‍ 20 കോടി രൂപ അനുവദിച്ചു.ധനമന്ത്രി കെ.എന്‍ ബാലഗോപാലാണ് ഇക്കാര്യം അറിയിച്ചത്. നേരത്തെ 53 കോടി രൂപ നല്‍കിയിരുന്നു.
സൗജന്യ കൈത്തറി സ്‌കൂള്‍ യൂണിഫോം പദ്ധതിയനുസരിച്ച് ഒന്ന് മുതല്‍ ഏഴാം ക്ലാസ് വരെ സര്‍ക്കാര്‍ സ്‌കൂളുകളിലെ കുട്ടികള്‍ക്ക് രണ്ട് ജോഡി വീതം യൂണിഫോം തുണിയാണ് വിതരണം ചെയ്യുന്നത്.ഒന്ന് മുതല്‍ നാലാം ക്ലാസ് വരെയുളള എയ്ഡഡ് സ്‌കൂളുകളിലെ കുട്ടികള്‍ക്കും രണ്ട് ജോഡി വീതം യൂണിഫോം തുണി ലഭിക്കും.
പരമ്പരാഗത വ്യവസായമായ കൈത്തറിയുടെ ഉന്നമനവും സ്‌കൂള്‍ കുട്ടികള്‍ക്ക് ഗുണനിലവാരമുളള യൂണിഫോം ലഭിക്കുന്നതിനുമായാണ് പദ്ധതി ആവിഷ്‌കരിച്ചത്.
തിരുവനന്തപുരം മുതല്‍ എറണാകുളം വരെ ജില്ലകളില്‍ ഹാന്റക്‌സാണ് യൂണിഫോം തുണി വിതരണം ചെയ്യുന്നത്. തൃശൂര്‍ മുതല്‍ കാസര്‍ഗോഡ് വരെയുളള ജില്ലകളില്‍ ഹാന്‍വീവാണ് യൂണിഫോം തുണി വിതരണം നടത്തുന്നത്. 6200 നെയ്‌ത്തുകാരും, 1600 അനുബന്ധ തൊഴിലാളികളും ഇതുമായി ബന്ധപ്പെട്ട ജോലികളിലേര്‍പ്പെട്ടിട്ടുണ്ട്.
പ്രതികരിക്കാൻ ഇവിടെ എഴുതുക: