ടെൽ അവീവ്: ഭാരതം-ഇസ്രായേൽ ബന്ധത്തെ “ശക്തമായത്” എന്ന് വിശേഷിപ്പിച്ച് ഇസ്രായേൽ വിദേശകാര്യ മന്ത്രി ഇസ്രായേൽ കാറ്റ്സ്. വെള്ളിയാഴ്ച 75-ാമത് റിപ്പബ്ലിക് ദിനാഘോഷത്തിന്റെ വേളയിലാണ് അദ്ദേഹത്തിന്റെ ഈ പരാമർശം. പങ്കിട്ട വളർച്ചയ്ക്കും നിലനിൽക്കുന്ന സൗഹൃദത്തിനും” വേണ്ടിയുള്ള ശ്രമങ്ങൾ തുടരാനും അദ്ദേഹം ആഹ്വാനം ചെയ്തു.
തന്റെ എക്സ് പ്ലാറ്റ്ഫോമിലാണ് അദ്ദേഹം ആശംസകൾ അറിയിച്ചത്. “ഇന്ത്യയുടെ 75-ാമത് റിപ്പബ്ലിക് ദിനത്തെ അനുസ്മരിച്ച്, ഡോ. ജയശങ്കറിനും ഭാരതത്തിലെ ജനങ്ങൾക്കും ഞാൻ എന്റെ ആദരവ് അറിയിക്കുന്നു, എഴുപത്തിയഞ്ചാം റിപ്പബ്ലിക് ദിനത്തിൽ എല്ലാ ഭാരതിയർക്കും എന്റെ ആശംസകൾ,” – അദ്ദേഹം ഹിന്ദിയിൽ കുറിച്ചിട്ടു
ഇസ്രായേൽ പാർലമെന്റ് സ്പീക്കർ അമീർ ഒഹാനയും അവസരത്തിൽ അഭിനന്ദിച്ചു. “നമ്മുടെ രാജ്യങ്ങളുടെ ബന്ധം ശക്തമാണ്, ഞങ്ങൾ പങ്കിട്ട വളർച്ചയ്ക്കും സുസ്ഥിരമായ സൗഹൃദത്തിനും വേണ്ടി പരിശ്രമിക്കുന്നു.”- അമീർ ഒഹാന എക്സിൽ പറഞ്ഞു. ഭാരതത്തിലെ പ്രിയ സുഹൃത്തുക്കളെ അഭിനന്ദിക്കാൻ ഞാൻ ആഗ്രഹിക്കുന്നു. ന്യൂദൽഹിയും ജറുസലേമും തമ്മിലുള്ള ശാശ്വതമായ പങ്കാളിത്തം എപ്പോഴും അഭിവൃദ്ധിപ്പെടട്ടെ -ഒഹാന ട്വീറ്റ് ചെയ്തു.
ടെൽ അവീവിൽ ഭാരതത്തിന്റെ അംബാസഡർ സഞ്ജീവ് സിംഗ്ല, എംബസി ജീവനക്കാരുടെ സാന്നിധ്യത്തിൽ വസതിയിൽ ദേശീയ പതാക ഉയർത്തി. വിവിധ കമ്മ്യൂണിറ്റി അംഗങ്ങൾ പങ്കെടുത്ത ചടങ്ങിൽ നിലവിലെ നിയന്ത്രണങ്ങൾ കണക്കിലെടുത്ത് ലഘുവായിട്ടാണ് റിപ്പബ്ലിക് ദിനാഘോഷം സംഘടിപ്പിച്ചത്.
