യുവാവിനെ തലയ്‌ക്കടിച്ച് കൊലപ്പെടുത്താൻ ശ്രമം; കോട്ടയത്ത് രണ്ട് പേർ പിടിയിൽ

കോട്ടയം: മണർകാട് യുവാവിനെ ആക്രമിച്ച് കൊലപ്പെടുത്താൻ ശ്രമിച്ച കേസിൽ രണ്ട് പേർ പിടിയിൽ. ഒളിവിലായിരുന്ന അയർക്കുന്നം സ്വദേശി ഷജിൽ, വിജയപുരം സ്വദേശി ജിതിൻ എന്നിവരെയാണ് അറസ്റ്റ് ചെയ്തത്. വടവാതൂരിൽ വാടകയ്‌ക്ക് താമസിച്ചിരുന്ന മലപ്പുറം സ്വദേശിയെ കൊലപ്പെടുത്താൻ ശ്രമിച്ച കേസിലാണ് അറസ്റ്റ്.

വടവാതൂർ റബർ ഫാക്ടറിയിലെ ജീവനക്കാരനാണ് ഇയാൾ. 22-ാം തീയതി രാത്രി കുരിശുകവലയ്‌ക്ക് സമീപം ഇയാൾ നിൽക്കുന്നത് ചോദ്യം ചെയ്തായിരുന്നു മർദ്ദനം. കൈവശമുണ്ടായിരുന്ന ഇടിക്കട്ട ഉപയോഗിച്ച് തലയ്‌ക്കടിച്ച് കൊലപ്പെടുത്താൻ ശ്രമവും നടത്തി.