ധര്‍മ്മപുരി: തമിഴ്നാട്ടില് ട്രക്കുകള്‍ തമ്മില്‍ കൂട്ടിയിടിച്ചതിനെ തുടര്‍ന്നുണ്ടായ അപകടത്തില്‍ നാല് മരണം. ബുധനാഴ്ച ധര്‍മ്മപുരി ജില്ലയിലെ തൊപ്പൂര്‍ഘട്ട് റോഡിലാണ് അപകടമുണ്ടായത്. അതിവേഗതയിലെത്തിയ ട്രക്ക് മറ്റൊരു ട്രക്കുമായി കൂട്ടിയിടിച്ചതാണ് അപകടത്തിനു്ള്ള കാരണം. നാല് വാഹനങ്ങളാണ് കുട്ടിയിടിച്ചത്. ഇതില്‍ ഒരെണ്ണത്തിന് തീപിടിക്കുകയും ചെയ്തിരുന്നു.
അതിവേഗത്തിലെത്തിയ ട്രക്ക് മറ്റൊന്നുമായി കൂട്ടിയിടിക്കുകയും മുന്നേപോയ മറ്റൊരു ട്രക്കുമായും കുട്ടിയിടിച്ചു. അതിനിടെ ഒരു കാറും അപകടത്തില്‍പ്പെട്ടു. ഒരു ട്രക്കിന് തീയും പിടിച്ചു. അഗ്നിശമന സേനയെത്തിയാണ് തീ അണച്ചത്. അപകടത്തിന്റെ സിസിടിവി ദൃശ്യങ്ങളും പുറത്തുവന്നിട്ടുണ്ട്.
അപകടത്തില്‍ മരിച്ചവരുടെ കുടുംബത്തിന് രണ്ടുലക്ഷവും പരിക്കേറ്റ് ചികിത്സയില്‍ കഴിയുന്നവര്‍ക്ക് 50,000 രൂപയും തമിഴ്നാട് മുഖ്യമന്ത്രി എം.കെ സ്റ്റാലിന്‍ നഷ്ടപരിഹാരം പ്രഖ്യാപിച്ചിട്ടുണ്ട്.
പ്രതികരിക്കാൻ ഇവിടെ എഴുതുക: