പാലക്കാട്: കൈക്കൂലി കേസില്‍ അറസ്റ്റിലായ പാലക്കാട് ഭൂരേഖ തഹസില്‍ദാര്‍ വി. സുധാകരനെ സസ്പന്‍ഡ് ചെയ്തു.തഹസില്‍ദാരുടെ അധിക ചുമതല വഹിച്ചിരുന്ന വി. സുധാകരനെ സസ്പന്‍ഡ് ചെയ്തുളള ഉത്തരവ് ജില്ലാ കളക്ടറാണ് പുറത്തിറക്കിയത്.
സ്വകാര്യ മാള്‍ ഉടമയോട് അഞ്ച് ലക്ഷം രൂപ ഇയാള്‍ കോഴ ആവശ്യപ്പെട്ടിരുന്നു. ഇതില്‍ ആദ്യ ഗഡുവായ 50000 രൂപ കൈപ്പറ്റുന്നതിനിടെ സുധാകരനെ വിജിലന്‍സ് പിടികൂടി. പിന്നാലെയാണ് കളക്ടര്‍ സസ്‌പെന്‍ഷന്‍ നടപടി സ്വീകരിച്ചത്.
ഹൈക്കോടതി ഉത്തരവുണ്ടായിട്ടും ഉടമസ്ഥാവകാശ സര്‍ടിഫിക്കറ്റ് നല്‍കാതെ മാള്‍ ഉടമയോട് പ്രതി കൈക്കൂലി ആവശ്യപ്പെടുകയായിരുന്നു. പണത്തിന് പുറമേ വിദേശ മദ്യവും കേക്കും വേണമെന്നായിരുന്നു ആവശ്യം. മാള്‍ ഉടമ വിജിലന്‍സിനെ വിവരമറിയിച്ചതിനെ തുടര്‍ന്നാണ് കുടുങ്ങിയത്.
പ്രതികരിക്കാൻ ഇവിടെ എഴുതുക: