അല്‍ ഖോര്‍ (ഖത്തര്‍) :ഏഷ്യന്‍ കപ്പ് ഫുട്‌ബോള്‍ ടൂര്‍ണമെന്റില്‍ നിന്ന് ഇന്ത്യ പുറത്ത്.അവസാന ഗ്രൂപ്പ് മത്സരത്തില്‍ സിറിയയോട് ഒരു ഗോളിന് പരാജയപ്പെടുകയായിരുന്നു.
76-ാം മിനിറ്റില്‍ പകരക്കാരനായി ഇറങ്ങിയ ഒമര്‍ ഖ്ര്‍ബിന്‍ ആണ് സിറിയ്‌ക്ക് വേണ്ടി ഗോളടിച്ചത്. ഇതോടെ സിറിയ നോക്കൗട്ട് റൗണ്ടിലെത്തുമെന്ന് ഉറപ്പായി.
ഗ്രൂപ്പ് ബിയില്‍ ഇന്ത്യ മൂന്ന് മത്സരങ്ങളും പരാജയപ്പെട്ടു. ആദ്യ മത്സരത്തില്‍ ഓസ്‌ട്രേലിയയോടും രണ്ടാം മത്സരത്തില്‍ ഉസ്ബക്കിസ്ഥാനോടും ഇന്ത്യ തോല്‍വി നേരിട്ടിരുന്നു. ടൂര്‍ണമെന്റില്‍ ഒരു ഗോള്‍ പോലും ഇന്ത്യയ്‌ക്കായില്ല.
