കോഴിക്കോട്: ചരിത്ര യാഥാര്ത്ഥ്യം ഉള്ക്കൊണ്ട് ഇന്ത്യന് മുസ്ലീംങ്ങളെ സംരക്ഷിക്കാനാണ് മുസ്ലിം ലീഗ് ശ്രമിക്കുന്നതെന്ന് പാണക്കാട് സാദിഖ് അലി ശിഹാബ് തങ്ങള്. എതിര് സ്വരങ്ങള് ജനാധിപത്യത്തിന്റെ ഭാഗമാണെന്നും സാദിഖലി ശിഹാബ് തങ്ങള് പറഞ്ഞു.
ശ്രീരാമനെ എല്ലാവരും ആദരവോടെയാണ് കാണുന്നത്. എന്നാല് അയോധ്യയിലെ രാമക്ഷേത്രത്തിന്റെ പേരിലുള്ള രാഷ്ട്രീയക്കളിയില് വീഴാന് മാത്രം മണ്ടന്മാരല്ല ജനങ്ങള്.
കോഴിക്കോട് ബീച്ചില് യൂത്ത് ലീഗിന്റെ റാലിയോട് അനുബന്ധിച്ച പൊതുസമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. കേന്ദ്ര സര്ക്കാരിനെയും സംസ്ഥാന സര്ക്കാരിനെയും തങ്ങള് അദ്ദേഹം വിമര്ശിച്ചു.
മുസ്ലിം ലീഗ് അധികാരത്തില് നിന്ന് പുറത്ത് പോകുമ്പോള് ഇങ്ങനെ ഒരു പരിപാടി നടക്കില്ലെന്നാണ് പലരും കരുതിയത്. എന്നാല് അധികാരം ഇല്ലാതെ പൊരിവെയിലില് നിന്നുകൊണ്ടാണ് മുസ്ലിം ലീഗും യൂത്ത് ലീഗും ഓരോ പരിപാടികളും വിജയിപ്പിച്ചതെന്നും യൂത്ത് ലീഗ് റാലി വിദ്വേഷത്തിനും ദുര്ഭരണത്തിനും എതിരെയാണെന്നും സാദിഖലി ശിഹാബ് തങ്ങള് പറഞ്ഞു.
