ബെംഗളൂരു: സാറ്റ്ലൈറ്റ് ചിത്രങ്ങളിൽ പൂർണ്ണ ശോഭയിൽ നിൽക്കുന്ന അയോധ്യയിലെ രാമക്ഷേത്രം ആരുടെയും കണ്ണഞ്ചിപ്പിക്കും. ഐഎസ്ആർഒയുടെ റിമോട്ട് സെൻസിങ് സാറ്റ്ലൈറ്റാണ് രാമക്ഷേത്രത്തിന്റെയും നഗരത്തിന്റെയും ചിത്രങ്ങൾ ഒപ്പിയെടുത്തത്. അയോധ്യ ധാം റെയിൽവെ സ്റ്റേഷനും സരയൂ നദിയും ചിത്രങ്ങളിൽ ഉൾപ്പെട്ടിട്ടുണ്ട്.
നാളെയാണ് വിശ്വം മുഴുവൻ കാത്തിരിക്കുന്ന പ്രാണപ്രതിഷ്ഠ ദിനം. പ്രധാനമന്ത്രി നരേന്ദ്രമോദി അടക്കം ഒട്ടനവധി പ്രമുഖരാണ് ചടങ്ങിൽ സാക്ഷിയാകാനെത്തുന്നത്. അമിതാബ് ബച്ചൻ, എം എസ് ധോണി, രജനികാന്ത്, മുഖേഷ് അംബാനി, ഗൗതം അദാനി നിരവധി സിനിമ പ്രമുഖർ രാഷ്ട്രീയ നേതാക്കൾ, സാമൂഹിക സാംസ്കാരിക രംഗങ്ങളിലെ പ്രമുഖരും ചടങ്ങിൽ പങ്കെടുക്കും.
പ്രാണപ്രതിഷ്ഠാ ചടങ്ങില് ആകെ ഏഴായിരത്തോളം പേരാണ് പങ്കെടുക്കുന്നതെന്ന് ക്ഷേത്രം ട്രസ്റ്റ് ഭാരവാഹികൾ അറിയിച്ചു. 150 ഓളം സംന്യാസി പരമ്പരകളുടെ പ്രതിനിധികളായി ആകെ നാലായിരത്തിലധികം സംന്യാസിമാര് ചടങ്ങില് പങ്കെടുത്ത് അനുഗ്രഹം നല്കും.
