തൃശൂര്‍: കൈപ്പറമ്പില്‍ പൂരത്തിന് എഴുന്നെള്ളിച്ച ആന ഇടഞ്ഞതിനെ തുടര്‍ന്ന് മേള കലാകാരനടക്കം നാല് പേര്‍ക്ക് പരുക്കേറ്റു. വാദ്യകലാകാരന്‍ വെള്ളിത്തിരുത്തി സ്വദേശി ഉണ്ണിനായര്‍, അരിയന്നൂര്‍ സ്വദേശി ഹരികൃഷ്ണന്‍, ചൂരക്കാട്ടുകാര സ്വദേശി അശ്വിന്‍, പെരിങ്ങോട്ടുകര സ്വദേശി അവിനാഷ് എന്നിവര്‍ക്കാണ് പരിക്കേറ്റത്.പരിക്കേറ്റവരെ തൃശൂര്‍ മെഡിക്കല്‍ കോളേജില്‍ പ്രവേശിപ്പിച്ചു.
ആളുകള്‍ പരിഭ്രാന്തരായി ചിതറി ഓടുന്നതിനിടെയാണ് പരിക്കേറ്റത്.തിരുവാണിക്കാവ് ക്ഷേത്രത്തിലെ എഴുന്നള്ളത്തിനിടെയാണ് ശബരിനാഥ് എന്ന ആന ഇടയുന്നത്. ഇതോടെ ആള്‍ക്കാര്‍ ഓടുന്നതിനിടെ വീഴുകയും മറ്റുളളവരുടെ ചവിട്ടേറ്റും പരിക്കേല്‍ക്കുകയായിരുന്നു.
വ്യാപാരികളുടെ സ്റ്റാളുകള്‍ ആന തകര്‍ത്തതിനെ തുടര്‍ന്ന് ലക്ഷങ്ങളുടെ നഷ്ടമുണ്ടായി.സ്റ്റാളുകള്‍ തകര്‍ത്ത ആന തൊട്ടടുത്ത പറമ്പില്‍ കയറി ശാന്തനായി നിന്നു . ഇന്ന് രാവിലെയാണ് സംഭവം.
പ്രതികരിക്കാൻ ഇവിടെ എഴുതുക: