പന്നിയാര്‍ പുഴയില്‍ ഒഴുക്കില്‍പെട്ട് കുട്ടി മരിച്ചു

ഇടുക്കി : പന്നിയാര്‍ പുഴയില്‍ ഒഴുക്കില്‍പെട്ട് രണ്ടര വയസുകാരന്‍ മരിച്ചു.പൂപ്പാറയിലാണ് സംഭവം.

തമിഴ്‌നാട് തേനി സ്വദേശി കണ്ണന്‍-ഭുവനേശ്വരി ദമ്പതികളുടെ മകന്‍ മിത്രനാണ് മരിച്ചത്. പന്നിയാര്‍ പുഴയോട് ചേര്‍ന്നാണ് ഇവരുടെ വീട്.

അഞ്ചു വയസുള്ള സഹോദരനൊപ്പം മുറ്റത്ത് കളിച്ചുകൊണ്ടിരുന്ന കുട്ടി പുഴയിലിറങ്ങുകയായിരുന്നു. സഹോദരന്‍ അമ്മയെ വിളിച്ചു കൊണ്ടുവന്നപ്പോഴേക്കും മിത്രന്‍ ഒഴുകി പോയിരുന്നു.

നാട്ടുകാരും ശാന്തന്‍പാറ പഞ്ചായത്ത് ആര്‍ആര്‍ടിയും പൊലീസും അഗ്നിശമനസേനയും ചേര്‍ന്ന് നടത്തിയ തെരച്ചിലിലാണ് മൃതദേഹം കണ്ടെത്തിയത്.