ഗുരുവായൂര് : സുരേഷ് ഗോപിയുടെ മകളുടെ വിവാഹത്തില് പങ്കെടുക്കാനായി പ്രധാനമന്ത്രി നരേന്ദ്ര മോദി ഗുരുവായൂര് ക്ഷേത്രത്തിലെത്തി. ശ്രീകൃഷ്ണ കോളേജ് ഗ്രൗണ്ടില് ഹെലിപാഡില് ഹെലികോപ്റ്ററിലെത്തിയ അദ്ദേഹം റോഡ് മാര്ഗം ഗുരുവായൂരിലെ ശ്രീവത്സം ഗസ്റ്റ് ഹൗസിലേക്ക് പോയി. ഇവിടെ വിശ്രമിച്ച് വസ്ത്രം മാറിയ ശേഷം അദ്ദേഹം ഗുരുവായൂര് ക്ഷേത്ര നടയിലേക്ക് എത്തുകയായിരുന്നു.
ഇലക്ട്രിക് വാഹനത്തിലാണ് അദ്ദേഹം ക്ഷേത്രത്തിലേക്ക് എത്തിയത്. രാവിലെ 8.45 നാണ് സുരേഷ് ഗോപിയുടെ മകളുടെ വിവാഹം. ഗുരുവായൂര് ക്ഷേത്രത്തിലെത്തിയ പ്രധാനമന്ത്രി വധൂവരന്മാര്ക്ക് ആശംസകള് അറിയിച്ചു. ഗുരുവായൂര് ക്ഷേത്രത്തിലെത്തിയ പ്രധാനമന്ത്രിയെ ദേവസ്വം ഭാരവാഹികള് ചേര്ന്നാണ് സ്വീകരിച്ചത്. പ്രധാനമന്ത്രിയുടെ സന്ദര്ശനത്തിനെ തുടര്ന്ന് ഗുരുവായൂരില് കനത്ത സുരക്ഷയിലാണ്.
രാവിലെ 10.10 ന് പ്രധാനമന്ത്രി തൃപ്രയാര് ക്ഷേത്രത്തിലെത്തും. പിന്നീട് 12 മണിയോടെ കൊച്ചിയില് തിരിച്ചെത്തി ഷിപ്പ്യാര്ഡിലെ പദ്ധതികളുടെ ഉദ്ഘാടനം നിര്വഹിക്കും. ഒന്നരയോടെ മറൈന് ഡ്രൈവില് ബിജെപിയുടെ പൊതുപരിപാടിയില് പങ്കെടുക്കും. വൈകിട്ടോടെ ദില്ലിക്ക് മടങ്ങും എന്ന നിലയിലാണ് പരിപാടികള് ക്രമീകരിച്ചിരിക്കുന്നത്.
