മുംബൈ : കോണ്ഗ്രസ്സില് നിന്ന് രാജിവെച്ച മുന് കേന്ദ്രമന്ത്രി മിലിന്ദ് ദേവ്റ ഏക്നാഥ് ഷിന്ഡേ നയിക്കുന്ന ശിവസേനയ്ക്കൊപ്പം ചേര്ന്നു. ഏക്നാഥ് ഷിന്ഡേയില് നിന്നാണ് ദേവ്റ പാര്ട്ടി അംഗത്വം സ്വീകരിച്ചത്. ഞായറാഴ്ച രാവിലെ സമൂഹ മാധ്യമങ്ങളിലൂടെയാണ് ദേവ്റ കോണ്ഗ്രസ് വിട്ടതായി അറിയിച്ചത്.
കേന്ദ്രത്തിലും സംസ്ഥാനങ്ങളിലും ശക്തായ സര്ക്കാര് വേണമെന്ന് ദേവ്റ പ്രതികരിച്ചു. പ്രധാനമന്ത്രി നരേന്ദ്രമോദിയുടെ നേതൃത്വത്തില് ഇന്ന് ഭാരതം ശക്തമായ രാജ്യമാണ്. അതില് നമുക്കേവര്ക്കും അഭിമാനിക്കാവുന്നതാണ്. കഴിഞ്ഞ 10 വര്ഷത്തിനിടെ മുംബൈയില് ഒരു ഭീകരാക്രമണവും ഉണ്ടായിട്ടില്ല. അത് മുംബൈ നിവാസികളെ സംബന്ധിച്ച് നേട്ടമാണ്. ജനങ്ങള്ക്ക് വേണ്ടി പ്രവര്ത്തിക്കുക എന്നതാണ് തന്റെ ചിന്താഗതിയെന്നും ദേവ്റ പറഞ്ഞു.
55 വര്ഷമായി കോണ്ഗ്രസ്സുമായുള്ള ബന്ധം അവസാനിപ്പിക്കുന്നുവെന്നാണ് പാര്ട്ടി വിട്ടശേഷം ദേവ്റ എക്സില് കുറിച്ചത്. മുന് കേന്ദ്രമന്ത്രിയായ അന്തരിച്ച മുരളി ദേവ്റയുടെ മകനാണ് അദ്ദേഹം. ഭാരത് ജോഡോ യാത്രയ്ക്ക് ശേഷം രാഹുല് ഗാന്ധി നയിക്കുന്ന ഭാരത് ജോഡോ ന്യായ് യാത്രയ്ക്ക് ഞായറാഴ്ച മണിപ്പൂരില് തുടക്കമിട്ടിരുന്നു. അന്ന് തന്നെ മഹാരാഷ്ട്രയിലെ പ്രമുഖ നേതാക്കളില് ഒരാളായ ദേവ്റ പാര്ട്ടി വിട്ടത് കോണ്ഗ്രസ്സിന് പ്രതിസന്ധിയിലാക്കുന്നതാണ്.
#WATCH | After joining Shiv Sena, Milind Deora says, "I have been receiving a lot of phone calls since morning that why did I sever 55-year-old ties of my family with Congress party…I was loyal to the party during its most challenging decade. Unfortunately, today's Congress is… pic.twitter.com/PVU6SdibOv
— ANI (@ANI) January 14, 2024
