പോൺ താരം തായിന ഫീൽഡ്സ് വീട്ടിൽ മരിച്ച നിലയിൽ. പെറുവിലെ വീട്ടിലാണ് 24 കാരിയായ തായിനയെ മരിച്ച നിലയിൽ കണ്ടെത്തിയത്. പോൺ ഇൻഡസ്ട്രിയിൽ നിന്നും തനിക്ക് നേരിട്ട ലൈംഗിക അതിക്രമങ്ങളെ കുറിച്ച് ഗുരുതര ആരോപണം ഉന്നയിച്ച് തായിന എത്തിയിരുന്നു. നിരവധി തവണ താൻ ലൈംഗിക അതിക്രമത്തിന് ഇരയായെന്ന് താരം പറയുന്നു.
ജോലിക്ക് എടുത്താൽ തന്നെക്കൊണ്ട് അവർക്ക് ഇഷ്ടമുള്ളത് ചെയ്യിക്കാം എന്നാണ് പലരും കരുതിയിരുന്നത്. ഒരു സ്ത്രീയാകുകയും പോൺ ഇൻഡസ്ട്രിയിൽ പ്രവർത്തിക്കുകയും ചെയ്യുന്നത് വളരെ ബുദ്ധിമുട്ടാണ് എന്നായിരുന്നു നടി നേരത്തെ വെളിപ്പെടുത്തിയത്. വീട്ടിൽ എത്തിയതിന് ശേഷം താൻ മിക്കപ്പോഴും ഏറെ നേരം കരയാറുണ്ടായിരുന്നുവെന്നും തായിന തുറന്നു പറഞ്ഞിരുന്നു.
ഗുരുതരമായ ആരോപണത്തിന് പിന്നാലെയുള്ള തായിനയുടെ മരണം പോൺ ഇൻഡസ്ട്രിയെ ആകെ ഉലച്ചിട്ടുണ്ട്. നിരവധി താരങ്ങൾ നടിയുടെ മരണത്തിൽ അനുശോചനം അറിയിച്ച് രംഗത്തെത്തുകയാണ്. തായിനയുടെ സുഹൃത്തും കണ്ടന്റ് ക്രിയേറ്ററുമായ അലെക്സാന്ദ്ര സ്വീറ്റിനെ ഉദ്ധരിച്ച് ലാ റിപ്പബ്ലിക്കയാണ് മരണ വാർത്ത റിപ്പോർട്ട് ചെയ്തത്. തായിന ജോലി ചെയ്ത പ്രൊഡക്ഷൻ ഹൗസായ മിൽക്കി പെറു അനുശോചനം രേഖപ്പെടുത്തി എത്തിയിരുന്നു. രണ്ടേകാൽ ലക്ഷത്തോളം ഫോളോവേഴ്സാണ് തായിനയ്ക്ക് ടിക് ടോക്കിൽ മാത്രമുള്ളത്.
