ദെഹ്റാദൂണ്‍: ഉത്തരാഖണ്ഡില്‍ കടുവകളുടെ എണ്ണം വര്‍ധിക്കുന്നതായി റിപ്പോര്‍ട്ടുകള്‍. 2006നും 2022നുമിടയില്‍ 314 ശതമാനം വര്‍ധനവ്. 2006 ല്‍ 178 കടുവകളെന്നത് 2022ല്‍ 560 ആയി വര്‍ധിച്ചെന്ന് ഉത്തരാഖണ്ഡ് ചീഫ് വൈല്‍ഡ്ലൈഫ് വാര്‍ഡന്‍ സമീര്‍ സിന്‍ഹ പറഞ്ഞു.
അതേസമയം കടുവകളുടെ ആക്രമണത്തിന് ഇരയാകുന്നവരുടെ എണ്ണവും കൂടി. 2021ല്‍ കടുവകളുടെ ആക്രമണങ്ങളില്‍ രണ്ടുപേര്‍ കൊല്ലപ്പെട്ടപ്പോള്‍ 2022ല്‍ 16 പേര്‍ മരിച്ചു. 2023ല്‍ 17 പേരാണ് കൊല്ലപ്പെട്ടത്. പരിക്കേല്‍ക്കുന്നവരുടെ എണ്ണവും വര്‍ധിച്ചിട്ടുണ്ട്.
രാജ്യത്ത് കടുവകളുടെ സംരക്ഷണത്തിനായി പ്രാബല്യത്തില്‍ വന്ന പ്രൊജക്ട് ടൈഗര്‍ എന്ന പദ്ധതി കഴിഞ്ഞ വര്‍ഷമാണ് അതിന്റെ അമ്പതാം വാര്‍ഷികം ആഘോഷിച്ചത്.
1973-ല്‍ പദ്ധതി നിലവില്‍ വരുമ്പോള്‍ 1411 കടുവകള്‍ മാത്രമായിരുന്നു. 2022-ല്‍ രാജ്യത്താകെയുള്ള കടുവകളുടെ എണ്ണം 3167 ആണെന്ന റിപ്പോര്‍ട്ട് പ്രധാനമന്ത്രി നരേന്ദ്ര മോദിയാണ് കഴിഞ്ഞ വര്‍ഷം പുറത്തുവിട്ടത്.
പ്രതികരിക്കാൻ ഇവിടെ എഴുതുക: