അയോധ്യ: ജനുവരി 22ന് അയോധ്യയില്‍ ശ്രീരാമന്റെ ചരിത്രപ്രസിദ്ധമായ പ്രാണപ്രതിഷ്ഠക്കായി രാജ്യം കാത്തിരിക്കുമ്പോള്‍, വാരണാസിയില്‍ നിന്നും ഗുജറാത്തില്‍ നിന്നുമുള്ള ഒരു കൂട്ടം പലഹാര വ്യാപാരികള്‍ ക്ഷേത്രനഗരത്തില്‍ വിശിഷ്ടാതിഥികള്‍ക്കും ഭക്തര്‍ക്കും മധുര പലഹാരങ്ങള്‍ തയ്യാറാക്കുന്ന തിരക്കിലാണ്.
പ്രാണ പ്രതിഷ്ഠാ ചടങ്ങില്‍ ശ്രീരാമന് പ്രസാദമായി സമര്‍പ്പിക്കുന്ന ശുദ്ധമായ നെയ്യ് ഉപയോഗിച്ച് ലഡ്ഡു തയ്യാറാക്കാന്‍ ഏസ് മിഠായി വ്യാപാരികളെയാണ് ചുമതലപ്പെടുത്തിയിരിക്കുന്നത്. ജനപ്രിയ ഉത്തരേന്ത്യ മധുരം ഉണ്ടാക്കുന്ന പ്രക്രിയ ജനുവരി ആറിനാണ് ആരംഭിച്ചത്, ജനുവരി 22 വരെ ഇത് തുടരും.
ഒരു ദിവസം 1200 കിലോ ലഡ്ഡുവാണ് പലഹാരക്കാര്‍ ഉണ്ടാക്കുന്നത്. പ്രാണ പ്രതിഷ്ഠാ ചടങ്ങിനായി 45 ടണ്‍ ലഡ്ഡു ഉണ്ടാക്കാനാണ് ഇവരെ നിയോഗിച്ചിരിക്കുന്നതെന്ന് വൃത്തങ്ങള്‍ അറിയിച്ചു. ശുദ്ധമായ നെയ്യ് ഉപയോഗിച്ചാണ് ലഡ്ഡു നിര്‍മ്മിക്കുന്നതെന്നും ഈ മാസം 22ന് രാം ലല്ലയ്‌ക്ക് ഇത്പ്രസാദമായി സമര്‍പ്പിക്കുമെന്നും പലഹാര വ്യാപാരികളിലൊരാള്‍ പറഞ്ഞു.
പ്രതികരിക്കാൻ ഇവിടെ എഴുതുക: